Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
म. टा. प्रतिनिधी, मुंबई
केंद्रीय लोकसेवा आयोगाच्या (यूपीएससी) २०२२मधील परीक्षेचा अंतिम निकाल मंगळवारी जाहीर झाला असून राज्यातील ७०हून अधिक उमेदवारांनी या परीक्षेत यश मिळविले आहे. मात्र टॉप रँकमध्ये मराठी टक्का घटला आहे. राज्यातील अंदाजे ७ उमेदवार पहिल्या शंभरात आले आहेत. तर आयएएस, आयएफएस आणि आयपीएस या केडरमध्ये निवड होण्यासाठी राज्यातील सुमारे २७ उमेदवार पात्र झाल्याचे दिसून येत आहे.
केंद्रीय लोकसेवा आयोगाच्या (यूपीएससी) २०२२मधील परीक्षेचा अंतिम निकाल मंगळवारी जाहीर झाला असून राज्यातील ७०हून अधिक उमेदवारांनी या परीक्षेत यश मिळविले आहे. मात्र टॉप रँकमध्ये मराठी टक्का घटला आहे. राज्यातील अंदाजे ७ उमेदवार पहिल्या शंभरात आले आहेत. तर आयएएस, आयएफएस आणि आयपीएस या केडरमध्ये निवड होण्यासाठी राज्यातील सुमारे २७ उमेदवार पात्र झाल्याचे दिसून येत आहे.
यंदा यूपीएससी परीक्षेत देशभरातून इशिता किशोरे हिने प्रथम क्रमांक पटकाविण्याचा मान मिळविला. त्यापाठोपाठ पुढील चार क्रमांकांवर तरुणींनी वरचष्मा राखला आहे. राज्यातून कश्मिरा संख्ये हिने प्रथम क्रमांक मिळविला असून देशात तिने २५ वा क्रमांक पटकाविला आहे. अंकिता पुवारने देशभरात २८वा क्रमांक, रुचा कुलकर्णीने ५४वा क्रमांक, आदिती वषर्णे हिने ५७वा क्रमांक, दीक्षिता जोशी हीने ५८वा क्रमांक, श्री मालिये याने ६०वा क्रमांक, वसंत दाभोळकर याने ७६वा क्रमांक पटकाविला आहे.
यूपीएससीकडून गेल्या वर्षी जूनमध्ये पूर्व परीक्षेसाठी ११ लाख ३५ हजार उमेदवारांनी अर्ज दाखल केले होते. त्यातील ५ लाख ७३ हजार उमेदवारांनी पूर्व परीक्षा दिली होती. तर मुख्य परीक्षेसाठी १३ हजार ९० उमेदवार पात्र ठरले होते. त्यातून व्यक्तिमत्त्व परीक्षेसाठी २ हजार ५२९ जण पात्र ठरले होते. त्यातून ९३३ जणांची निवड यूपीएससीने केली आहे. यातून एकूण १८० जणांची आएएस, ३८ जणांची आयएफएस, तर २०० जणांची आयपीएस साठी केडरसाठी निवड करण्यात आली आहे.
‘यूपीएससी परीक्षेत महाराष्ट्रातील सुमारे १२ टक्के उमेदवारांनी यश मिळविले. मात्र टॉप रँकमध्ये महाराष्ट्रातील मुलांची संख्या कमी आहे. ही चिंतेची बाब आहे. मराठी मुले टॉप रँकमध्येही यावीत यादृष्टीने प्रयत्न होण्याची गरज आहे,’ असे मत चाणक्य मंडलचे संस्थापक संचालक अविनाश धर्माधिकारी यांनी मांडले.
मुलींची बाजी
केंद्रीय लोकसेवा आयोगाच्या (यूपीएससी) परीक्षेत मागील वर्षीप्रमाणे यंदाही मुलींनी बाजी मारली आहे. यूपीएससी पहिल्या चारमध्ये मुलींचा डंका आहे. तर पहिल्या २५ मध्ये १४ मुलींनी बाजी मारली आहे. पहिल्या २५ मध्ये ११ मुलांचा समावेश आहे. तर देशपातळीवर यूपीएससी परीक्षेत ९३३ उमेदवारांपैकी ३२० मुलींनी बाजी मारली आहे. तर ६१३ मुलांनी यश संपादन केले आहे.
ग्रँट मेडिकल कॉलेजच्या विद्यार्थ्याचे यश
मुंबईतील जे जे रुग्णालय आणि ग्रँट मेडिकल कॉलेजमधून एमबीबीएसचे शिक्षण घेतलेल्या सुमेध जाधव या तरुणाने यूपीएससी परीक्षेत तिसऱ्या प्रयत्नात यश मिळविले. त्याने ६८७वा रँक पटकावला. सुमेध मुळचा यवतमाळचा रहिवासी आहे. तो सध्या पुसद येथील उपजिल्हा रुग्णालयात वैद्यकीय अधिकारी म्हणून काम करतो. त्याचे आईवडील शिक्षक आहेत. यंदा तिसऱ्या प्रयत्नात त्याने हे यश संपादन केले. या यशामुळे आनंद झाला आहे. मात्र आयएएसपदी निवड न झाल्यास आणखी तयारी करून पुन्हा परीक्षा देईन, असे त्याने सांगितले. एमबीबीएसचा अभ्यास करत असताना यूपीएससीचा अभ्यास करता आला नाही. २०१९मध्ये यूपीएससीची परीक्षा उतीर्ण झाल्यावर वैद्यकीय अधिकारी म्हणून नोकरी करत यूपीएससीची तयारी केली. पहिल्या प्रयत्नावेळी मुलाखतीपर्यंत पोहोचलो. मात्र अंतिम यादीत स्थान मिळाले नाही. त्यानंतर रोज ८ ते १० तास अभ्यास करून हे यश मिळविले, असेही त्याने नमूद केले.