Tej Police Times
मुंबई– दिग्दर्शक अनुप जगदाळे दिग्दर्शित ‘रावरंभा’ हा ऐतिहासिक चित्रपट नुकताच प्रेक्षकांच्या भेटीला आला. २६ मे रोजी हा चित्रपट संपूर्ण महाराष्ट्रात प्रदर्शित झाला. लोकप्रिय अभिनेत्री मोनालीसा बागल आणि अभिनेता ओम भूतकर यांनी या चित्रपटात प्रमुख भूमिका साकारल्या. इतिहासाच्या पोटात गडप झालेली एक मोरपंखी प्रेमकहाणी या चित्रपटात दाखवण्यात आली. या चित्रपटाला प्रेक्षकांनी खूप चांगला प्रतिसाद दिलेला पाहायला मिळाला. २ जून रोजी छत्रपती शिवरायांच्या ३५० व्या राज्याभिषेक सोहळ्यानिमित्त चित्रपटाचे तिकीट दर फक्त ९९ रुपये एवढे आकारण्यात आले होते. त्यामुळे चित्रपट पाहण्यासाठी प्रेक्षकांनी गर्दी केली त्यामुळे अनेक ठिकाणी हाऊसफुल्लचे बोर्ड लावलेले पाहायला मिळाले. आता या चित्रपटाची कमाई जाणून घेऊया.
नेसरीच्या युद्धात धारातीर्थी पडलेल्या स्वराज्याच्या सात मानी वीरांची साहसकथा या चित्रपटात दाखवण्यात आली आहे. ‘रावरंभा’ हा चित्रपट बनवण्यासाठी १० कोटींचा खर्च करण्यात आला. त्यामानाने चित्रपटाने पहिल्याच आठवड्यात बॉक्स ऑफिसवर चांगली कमाई केलेली पाहायला मिळाली. चित्रपटाच्या प्रदर्शनाच्या पहिल्याच दिवशी ५० लाखांची कमाई करत यशाची घोडदौड सुरू ठेवली. त्यानंतर शनिवारी आणि रविवारी चित्रपटाला चांगला प्रतिसाद मिळाल्याने अनुक्रमे ६५ लाख आणि ८० लाखांची कमाई केली. तर चौथ्या दिवशी ४० लाख, पाचव्या दिवशी ३५ लाख ६ व्या दिवशी ३० लाख आणि सातव्या दिवशी ३५ लाखांची कमाई करत या चित्रपटाने पहिल्याच आठवड्यात ३ कोटी १४ लाखांचा गल्ला आपल्या खात्यात जमवलेला पाहायला मिळाला.
त्यामुळे आतापर्यंत या चित्रपटाने जवळपास ४ कोटींचा गल्ला जमवला असल्याचा अंदाज आहे. चित्रपटातील कलाकारांनी त्यांच्या इंस्टाग्रामवर पोस्ट करत याची माहिती दिली आहे. सध्या हा चित्रपट बॉक्स ऑफिसवर मोठ्या दिमाखात सुरू आहे.
नव्या मालिकेची TRP मध्ये जबरदस्त कामगिरी; दुसऱ्याच आठवड्यात मिळवलं टॉप १० मध्ये स्थान; जुईसाठी ठरणार धोक्याची घंटा?