FYJC Admission : 11 वी कोटांतर्गत प्रवेशाचे वेळापत्रक जाहीर, अशी असेल संपूर्ण प्रक्रिया…

By tejpolicetimes On Jun 4, 2023

म. टा. प्रतिनिधी, पुणे : अकरावी केंद्रीय ऑनलाइन प्रवेश प्रक्रियेतून पुणे व पिंपरी-चिंचवड, मुंबई, नाशिक, अमरावती, नागपूर महापालिका क्षेत्रामधील ज्युनिअर कॉलेजांमध्ये अकरावीला प्रवेश घेण्यासाठी कोटांतर्गत प्रवेशाचे वेळापत्रक प्रसिद्ध करण्यात आले आहे. त्यानुसार विद्यार्थ्यांना येत्या आठ जूनपासून व्यवस्थापन कोटा, इनहाउस कोटा आणि अल्पसंख्यांक कोट्यातून प्रवेश घेण्यासाठी नोंदणी करावी लागणार असून, अर्जाचा भाग एक आणि दोन भरावे लागणार आहे.माध्यमिक शिक्षण संचालनालयाने अकरावी केंद्रीय ऑनलाइन प्रवेश प्रक्रियेतून कोटांतर्गत दिल्या जाणाऱ्या प्रवेशाचे वेळापत्रक प्रसिद्ध केले आहे. त्यानुसार कोटा प्रवेशांची प्रक्रिया राबविण्यात येणार आहे. कोटांतर्गत प्रवेश घेण्यासाठी आठ ते १२ जून या कालावधीत नोंदणी करावी लागेल. त्यानंतर १३ जून रोजी कोटा पसंती दिलेल्या विद्यार्थ्यांची गुणवत्ता यादी तयार केली जाईल. संबंधित विद्यार्थ्यांची गुणवत्ता यादी विद्यालय स्तरावर प्रसिद्ध केली जाईल. त्यानंतर कॉलेजांना १३ ते १५ या कालावधीत कोटांतर्गत प्रवेश निश्चित करावे लागतील. १६ ते १८ जून या कालावधीत कोटानिहाय रिक्त राहिलेल्या जागा प्रसिद्ध केल्या जातील. या कालावधीत विद्यार्थी रिक्त जागांवर पुन्हा कॉलेजांचे पसंतीक्रम नोंदवू शकतील. या फेरीतील विद्यार्थ्यांची निवड यादी १९ जून रोजी प्रसिद्ध केली जाणार असून, यातून निवड झालेल्या विद्यार्थ्यांना १९ ते २२ जून या कालावधीत कॉलेजात जाऊन आपला प्रवेश निश्चित करावा लागेल.

Class 11th Admission : दहावीचा निकाल जाहीर झाला, अकरावीचे प्रवेश कसे पार पडणार, जाणून घ्या सविस्तर
२३ जूनला रिक्त जागा प्रसिद्ध

साधारण २३ जूनला कोटानिहाय रिक्त जागा प्रसिद्ध करण्यात येईल, असे माध्यमिक शिक्षण सहसंचालक हरून आतार यांनी कळविले आहे. विद्यार्थी आणि पालकांनी प्रवेश प्रक्रियेच्या सविस्तर वेळापत्रकासाठी आणि अर्ज भरण्यासाठी https://11thadmission.org.in या लिंकचा वापर करावा, असे आवाहन करण्यात आले आहे.

कोटा’चे वेळापत्रक

८ ते १२ जून : कोटा प्रवेशांसाठी अर्ज करणे
१३ जून : विद्यार्थ्यांची यादी कॉलेजांनी जाहीर करणे
१३ ते १५ जून : विद्यार्थ्यांनी प्रवेश निश्चित करणे
१६ ते २३ जून : कोटा प्रवेशाच्या विविध फेऱ्या

‘केंद्रीय’चे वेळापत्रक
८ ते १५ जून : अर्जाचा भाग २ भरणे आणि पडताळणी
१३ ते १५ जून : भाग-१ भरलेल्या विद्यार्थ्यांची गुणवत्ता यादी प्रसिद्ध करणे
१६ ते १८ जून : अर्जांवर प्रक्रियेसाठी कालावधी
१९ जून : विद्यार्थ्यांना मिळालेल्या ज्युनियर कॉलेजची यादी प्रसिद्ध करणे
१९ ते २२ जून : विद्यार्थ्यांनी आपले प्रवेश निश्चित करणे
२३ जून ते ९ जुलै : विविध प्रवेशफेऱ्या
१० ते १८ जुलै : विशेष प्रवेशफेऱ्या

Source link