Tej Police Times
मुंबई: ओम राऊत दिग्दर्शित ‘आदिपुरुष’ सिनेमा रिलीजपासून सोशल मीडियावर तुफान चर्चेत आला आहे. या सिनेमावर होत असलेल्या टीकेचा परिणाम आता बॉक्स ऑफिसवरही दिसून येत आहे. पहिल्या दिवशी भारतीय बॉक्स ऑफिसवर ८६.७५ कोटी रुपयांची कमाई करणाऱ्या या चित्रपटाने रविवारी वीकेंड असूनही तिसऱ्या दिवशी ६४.१० कोटींचे नेट कलेक्शन केले. साधारणपणे वीकेंडला कोणत्याही चित्रपटाची कमाई वाढते, पण प्रभास, क्रिती सेनॉन आणि सैफ अली खान यांच्या या चित्रपटाची कमाई जवळपास २६% घसरण धोक्याचा इशारा असू शकतो. त्याआधी शनिवारी पहिल्या दिवसाच्या तुलनेत चित्रपटाच्या कमाईत २४.७८% ची घट झाली होती.
बंपर अॅडव्हान्स बुकिंगमुळे ‘आदिपुरुष’ने बॉक्स ऑफिसवर शानदार ओपनिंग केली होती. यानंतर चित्रपटाच्या व्हीएफएक्स आणि संवादांवर रिलीज झाल्यापासून सोशल मीडियावर टीका होत आहे. तर दुसरीकडे निर्मात्यांनी देखील निवेदन जारी करत म्हटले की त्यांचा महाकाव्य रामायणावर गाढ विश्वास आहे. कुठूनही भावना दुखावण्याचा त्यांचा हेतू नसून, ते केवळ काळाला अनुसरून कथा सांगण्याचा प्रयत्न करत आहेत.
बंपर अॅडव्हान्स बुकिंगमुळे ‘आदिपुरुष’ने बॉक्स ऑफिसवर शानदार ओपनिंग केली होती. यानंतर चित्रपटाच्या व्हीएफएक्स आणि संवादांवर रिलीज झाल्यापासून सोशल मीडियावर टीका होत आहे. तर दुसरीकडे निर्मात्यांनी देखील निवेदन जारी करत म्हटले की त्यांचा महाकाव्य रामायणावर गाढ विश्वास आहे. कुठूनही भावना दुखावण्याचा त्यांचा हेतू नसून, ते केवळ काळाला अनुसरून कथा सांगण्याचा प्रयत्न करत आहेत.
आदिपुरुष सिनेमाचे बॉक्स ऑफिस कलेक्शन
‘आदिपुरुष’चे बजेट ५००० कोटी रुपये आहे. सिनेमा रीलिज झाल्याच्या दिवसापासून पहिल्या वीकेंडपर्यंत या चित्रपटाला अॅडव्हान्स बुकिंगचा फायदा झाला आहे. रिलीजपूर्वीच वीकेंडपर्यंत या चित्रपटाची सुमारे १० लाख तिकिटे विकली गेली होती. अशा परिस्थितीत शुक्रवारी, १६ जून रोजी प्रदर्शित झाल्यानंतर चित्रपटाला संमिश्र प्रतिसाद मिळू लागल्यावर त्याचा परिणाम तिकीटविक्रीवरही दिसला. Sacnilk च्या रिपोर्टनुसार, ‘आदिपुरुष’ ने पहिल्या तीन दिवसांत भारतीय बॉक्स ऑफिसवर २१६ कोटींचे नेट कलेक्शन केले आहे. त्यापैकी ११२.१९ कोटी रुपयांचा व्यवसाय फक्त हिंदी व्हर्जनचा आहे.
तेलुगू व्हर्जनमध्ये सिनेमाने किती कमावले?
सिनेमाच्या हिंदी व्हर्जनमध्ये ‘आदिपुरुष’ने शुक्रवारी पहिल्या दिवशी ३७.२५ कोटी रुपयांची कमाई केली. शनिवारी ही कमाई ३७ कोटी रुपये होती, तर रविवारी ३७.९४ कोटी रुपये कमावता आहे. अर्थात टीका होऊनही, आगाऊ बुकिंगमुळे चित्रपटाने पहिल्या वीकेंडमध्ये सरासरी ३७ कोटींचे कलेक्शन कायम ठेवले आहे. मात्र तेलगूमध्ये चित्रपटाचे मोठे नुकसान झाले. प्रभासच्या फॅन फॉलोइंगमुळे, चित्रपटाने शुक्रवारी तेलुगू व्हर्जनमध्ये ४८ कोटी रुपयांची कमाई केली. मात्र शनिवारी ही कमाई थेट २६.६५ कोटी रुपयांवर घसरली आणि आता रविवारी २४.७१ कोटी रुपयांची कमाई झाली.