iPhone वर स्पॅम कॉल्स त्रास देतायत? लगेचच करा ही सिंपल सेटिंग

By tejpolicetimes On Jul 3, 2023

नवी दिल्ली : iPhone tips and tricks : बऱ्याचदा दिवसभरात आपल्याला अनेक स्पॅम कॉल येतात, जे आपल्या कामात व्यत्यय आणतात. विशेषत: जेव्हा आपण एखाद्या महत्त्वाच्या कामात व्यस्त असतो तेव्हा हे असे कॉल येतात आणि आपल्याला फार डिस्टर्ब व्हायला होते. आचा जर तुमच्याकडे आयफोन असेल तर आज आम्ही तुम्हाला अशा बिनकामाच्या कॉल्सपासून दूर कसे राहायचे याच्या खास टिप्स सांगत आहोत. विशेष म्हणजे यासाठी तुम्हाला कोणतेही थर्ड पार्टी अॅप डाउनलोड करण्याची गरज नाही. याशिवाय तुम्ही कोणत्या लोकांना ब्लॉक केले आहे हे देखील तपासू शकता.

आयफोनवर स्पॅम नंबर कसे ब्लॉक करायचे:
यासाठी सर्वात आधी आयफोनमध्ये प्रथम डायलर अॅप उघडा. त्यानंतर उजव्या बाजूला असलेल्या ‘i’ आयकॉनवर क्लिक करा. यानंतर नंबरच्या प्रोफाईलवर जा. नंतर संबधित कॉलरला ब्लॉक करा याऑप्शन बटणावर टॅप करा. त्यानंतर ब्लॉक असा मेसेज पॉपअप होईल. नंबर ब्लॉक करण्यासाठी ब्लॉक वर टॅप करा. आता जर तुम्ही एखाद्या अशा कॉन्टॅक्टला ब्लॉक केले, ज्याचे एकापेक्षा अनेक नंबर आहेत, तर सर्व नंबर एकाच वेळी ब्लॉक केले जातील.

वाचा : Google Maps : ड्रायव्हिंग करताना गुगल मॅप वापरता? ‘हे’ पाच फीचर्स वापरा, पैसे आणि वेळ दोन्ही वाचेल

ब्लॉक केलेले नंबर कसे तपासायचे आणि अनब्लॉक कसे कराल?
1. सर्वात आधी सेटिंग्ज उघडा.
2. नंतर फोन पर्यायावर जा.
3. Blocked Contacts चा पर्याय शोधा. यासाठी तुम्हाला खाली स्क्रोल करावे लागेल.
4.मग तुम्ही ब्लॉक केलेले सर्व नंबर तुम्हाला दिसतील. त्यानंतर Add New वर टॅप करा. याद्वारे तुम्ही येथे नवीन नंबर देखील जोडू शकता.
5 जर तुम्हाला एखाद्याला अनब्लॉक करायचे असेल तर तुम्हाला वरील एडिट वर टॅप करावे लागेल. त्यानंतर संबधित नंबरच्या अनब्लॉक आयकॉनवर टॅप करा.

वाचा : ChatGPT म्हणजे नेमकं काय? खरंच यामुळे नोकऱ्या धोक्यात आहेत का? संपूर्ण माहिती एका क्लिकवर

Source link