Tej Police Times
आधी दोन्ही स्पीकर चेक करा
तर तुमच्या इअरफोनमध्ये आवाज येत नसेल तर सर्वात पहिली आणि सर्वात महत्त्वाची गोष्ट म्हणजे इअरफोनचे दोन्ही स्पीकर व्यवस्थित काम करत आहेत की नाही हे तपासा. यासाठी तुम्हाला डिस्पोजेबल बॅटरी घ्यावी लागेल आणि ती दोन्ही स्पीकरशी जोडावी लागेल. तुम्हाला त्यावेळी आवाज ऐकू येत असल्यास, याचा अर्थ स्पीकर्स ठीक आहेत आणि समस्या इअरफोनच्या दुसऱ्या कोणत्यातरी पार्टमध्ये आहे.
केबलमध्ये असू शकतो फॉल्ट
वर सांगितल्याप्रमाणे स्पीकरमध्ये इश्यू नसल्यास फॉल्ट केबलमध्ये असू शकतो. तर तुमच्या इअरफोनच्या केबलमध्ये काही प्रकारचा दोष असू शकतो, जसे की तुटलेली वायर किंवा केबलला होल पडलेले असू शकतात. केबल कोणत्याही प्रकारे तुटलेली नाही हे तुम्ही तपासले पाहिजे. जर काही दोष असेल तर आपण ते टेप लावून किंवा इतर उपायांनीही दुरुस्त करू शकता.
इअरफोनचा सिलिंडरही बिघडू शकतो
जर तुमच्या इअरफोनला आवाजाची समस्या येत असेल, तर फोनचा सिलिंडर खराब होण्याचीही शक्यता आहे. सिलिंडर हा तो पार्ट असतो जो इअफोनच्या मध्यभागी जे मॅग्नेट असते. आता हा सिलेंडर खराब झाल्यास तुम्हाला एक लहान टेप घ्यावी लागेल आणि इअरफोनच्या सिलेंडर जवळ लावावी लागेल, यामुळे सिलेंडरची कंडीशन नीट होऊ शकते. ज्यानंतर तुमचा साऊंडही नीट येईल.
वाचा : भारतात फक्त Jio आणि Airtel हे दोनंच नेटवर्क टिकणार? पाहा TRAI चा जून महिन्याचा रिपोर्ट
अन्यथा इअरफोन रिपेअरिंगसाठीच द्यावे लागतील
तर वरील हे सर्व उपाय तुमच्या इअरफोन्सना रिपेअर करण्यासाठी कामाला येतील. पण जर इअरफोनमध्ये नॉर्मल समस्या असतील तर ठिकंय पण जर इअरफोन्समध्ये जास्त बिघाड असेल तर तुम्हाला हे इअरफोन्स रिपेअरिंगसाठी द्यावे लागतील.
वाचा : फायद्याची बातमी! सरकारचा सामन्यांना दिलासा, मोबाईल-टीव्हीच्या किंमती झाल्या कमी
रिप्लेसमेंट वॉरंटीही चेक करा
अनेकदा आपण इअरफोन्स घेतो आणि ते वर्षभराच्या आतच खराब होतात. असं असताना इअरफोन्सवर एका वर्षाची वॉरंटी मिळत असल्याने सर्व्हिस सेंटरमध्ये इअरफोन्स मोफत रिप्लेस किंवा रिपेअर होऊ शकतात. त्यामुळे कधीही ब्रँडेड इअरफोन्स बिघडल्यास थेट सर्व्हिस सेंटरमध्ये जाऊन चेक करा.
वाचा : आता WhatsApp चॅट ट्रान्सफर करणं झालं एकदम सोपं, फक्त एक QR कोड स्कॅन करावा लागणार