मराठीतल्या सहाजणी बॉलीवूडला भिडल्या! बाईपण भारी देवाची जबराट कामगिरी; वाचा तीन दिवसांची कमाई

‘सत्यप्रेम की कथा’ रिलीजनंतर कार्तिक आर्यन सिद्धीविनायका चरणी, सेल्फीसाठी चाहत्यांचा गराडा

या आठवड्यात गेल्या आठवड्यात ‘बाईपण भारी देवा’, ‘सत्यप्रेम की कथा’ आणि ‘कॅरी ऑन जट्टा ३’ हे चित्रपट प्रेक्षकांच्या भेटीला आले. हे तिन्ही चित्रपट प्रेक्षकांच्या पसंतीस पडत आहेत. मात्र त्यातही मराठी चित्रपटाकडे प्रेक्षकांचा ओढा जास्त दिसून येत आहे. या चित्रपटात रोहिणी हट्टंगडी, वंदना गुप्ते, सुकन्या मोने, सुचित्रा बांदेकर, शिल्पा नवलकर आणि दीपा चौधरी महत्वपूर्ण भूमिकेत दिसत आहेत. हा चित्रपट म्हणजे सहा बहिणींची कथा आहे. आता या चित्रपटाची कमाई पाहू. ‘बाईपण भारी देवा’ चित्रपटाला प्रेक्षक गर्दी करताना दिसत आहेत. या चित्रपटाचे सर्व शो हाऊसफुल सुरू आहेत. हा चित्रपट चित्रपटगृहात दणदणीत कमाई करताना दिसत आहे. एका वेबसाइटने दिलेल्या वृत्तानुसार, या चित्रपटाने पहिल्या दिवशी १ कोटींची कमाई केली होती. त्यानंतर दुसऱ्या दिवशी चित्रपटाने दुप्पट कमाई केली.

दुसऱ्या दिवशी चित्रपटाने २. १० कोटीचा गल्ला जमवला. तर तिसऱ्या दिवशी म्हणजेच काल या चित्रपटाने २.८० कोटींचा गल्ला जमवला. एकूण चित्रपटाने ५. ९० कोटींची कमाई केली आहे. या चित्रपटाने इतर चित्रपटांना चांगलीच टक्कर दिल्याचं चित्र आहे. सर्वत्र चित्रपटाचं कौतुक होताना दिसत आहे.

मला भूमिका सोडावी लागतेय कारण… प्रिया मराठेने घेतला ‘तुझेच मी गीत गात आहे’ मालिकेचा निरोप