Jio Data Recharges : जिओचा ३९९ रुपयांचा खास प्लान, अतिरिक्त ६१ रुपयांचा डेटा पूर्णपणे फ्री

नवी दिल्ली : Jio Recharge Plans : भारतातील सर्वात मोठी टेलिकॉम ऑपरेटर रिलायन्स जिओ आपल्या ग्राहकांसाठी सतत एकापेक्षा एक ऑफर घेऊन येत असते. सद्यस्थितीला जिओचे ग्राहक मोठ्या प्रमाणात आहेत, त्यांच्या ग्राहकांमध्ये दिवसेंदिवस वाढ होत असून या सर्व ग्राहकांना आनंदी ठेवण्यासाठी आणि नवीन ग्राहकांना आकर्षित करण्यासाठी आता देखील कंपनीने एक अप्रतिम ऑफर आणली आहे. कंपनी आपल्या एका प्रीपेड प्लानमध्ये थेट ६१ रुपयांचा बोनस डेटा देत आहे. जिओचा हा ३९९ रुपयांचा प्लान या बोनस डेटासह येत आहे. यामध्ये बोनस डेटासोबतच इतर अनेक ऑफर्सही ग्राहकांना दिल्या जात आहेत.

रिलायन्स जिओचा ३९९ रुपयांचा प्रीपेड प्लान
या प्लानची वैधता २८ दिवसांची आहे. ही व्हॅलिडिटी किंमतीच्या मानाने थोडी कमी असली तरी या प्लानमध्ये अनेक चांगले फायदे देण्यात आले आहेत. यामध्ये दररोज तब्बल ३ जीबी डेटा दिला जाईल. त्याच वेळी, या प्लॅनमध्ये ६१ रुपयांचा बोनस डेटा देखील उपलब्ध आहे. या अंतर्गत, अतिरिक्त ६ जीबी डेटा दिला जाईल. त्यामुळे व्हॅलिडिटी दरम्यान वापरकर्त्यांना तब्बल ८४ जीबी डेटा मिळेतो आणि ६ जीबी अतिरिक्त डेटानंतर हा डेटा ९० जीबी होतो.

वाचा : Google Maps : ड्रायव्हिंग करताना गुगल मॅप वापरता? ‘हे’ पाच फीचर्स वापरा, पैसे आणि वेळ दोन्ही वाचेल

इतरही अनेक फायदे
डेटाशिवाय, कोणत्याही नेटवर्कवर अमर्यादित व्हॉईस कॉलिंग देण्यात आली आहे. तसेच दररोज १०० एसएमएस दिले जातील. जिओ अॅप्सचे सबस्क्रिप्शनही दिले जात आहे. या प्लानचे सदस्यत्व घेतलेल्या सर्व वापरकर्त्यांना अमर्यादित 5G डेटा दिला जाईल. जिओने त्‍याच्‍या 5G कव्‍हरेजसह ६००० शहरे आणि गावांचा टप्पा ओलांडला आहे. २०२३ च्या अखेरीस देशभरात 5G उपलब्ध करून देण्याचे कंपनीचे उद्दिष्ट आहे.

वाचा : आता WhatsApp चॅट ट्रान्सफर करणं झालं एकदम सोपं, फक्त एक QR कोड स्कॅन करावा लागणार