Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
‘बाईपण भारी देवा’ हा चित्रपट सहा बहिणीच्या आयुष्यावर आधारलेला आहे. रोहिणी हट्टंगडी, सुचित्रा बांदेकर, शिल्पा नवलकर, वंदना गुप्ते, दीपा परब आणि सुकन्या मोने या अनुभवी अभिनेत्रींच्या अभिनयाने सजलेल्या या चित्रपटाने बॉक्स ऑफिसवर नवा रेकॉर्ड कायम केला आहे. या चित्रपटाने ‘वाळवी’ या चित्रपटाचा रेकॉर्ड मोडला आहे. ‘बाईपण भारी देवा’ ने पहिल्या तीन दिवसातच तब्बल ६ कोटी ४५ लाखांची कमाई केली आहे. जी यापूर्वी २०२३ मध्ये प्रदर्शित झालेल्या कोणत्याही चित्रपटाला जमली नव्हती. ‘वाळवी’ ने पहिल्या तीन दिवसात फक्त १ कोटींची कमाई केली होती. या चित्रपटाने पहिल्या दिवशी १ कोटीची कमाई केली दुसऱ्या दिवशी २ कोटी ४५ लाखांची कमाई केली तर तिसऱ्या दिवशी ३ कोटींची कमाई केली. एकूण या चित्रपटाने पहिल्या तीन दिवसातच ६ कोटींची कमाई केली आहे.
यावर्षीच्या पहिल्या दिवशीच्या कमाईमध्येही ‘बाईपण भारी देवा’ सगळ्यांवर भारी पडला आहे. यावर्षी प्रदर्शित झालेल्या ‘घर बंदूक बिरयाणी’ ने पहिल्या दिवशी ६० लाख, ‘रावरंभा’ने ५० लाख, ‘महाराष्ट्र शाहीर’ने ४५ लाख, ‘वाळवी’ ने ३५ लाख आणि ‘चौक’ने ३५ लाखांची कमाई केली. मात्र ‘बाईपण भारी देवा’ने पहिल्याच दिवशी १ कोटीचा आकडा पार केला. आता हा चित्रपट आणखी किती मजल मारणार याकडे सगळ्यांचं लक्ष लागलं आहे.