Tej Police Times
Smartphone Care : रॅममुळं खरचं फोन फास्ट होतो का? किती जीबी रॅम आहे बेस्ट? पाहा तज्ज्ञांचा सल्ला
अधिक रॅमसह फोन वेगवान होईल का?
कोणत्याही स्मार्टफोनच्या दमदार युजसाठी अनेक गोष्टी महत्त्वाच्या असतात. रॅम हा त्याचाच एक भाग आहे. हे खरे आहे की अधिक जीबी रॅम असल्याने फोन फास्ट होऊ शकतो. कारण फोनमध्ये अॅप्स आणि इतर कामांसाठी जास्त जागा बनते.
वाचा : नॉन वेरिफायड युजर्सना Twitter चा धक्का, आता आणखी एक सुविधा वापरण्यासाठी आकारणार पैसे
किती GB रॅम बेस्ट असेल?
तर तुम्हालाही हा प्रश्न असेल की किती जीबी रॅम असलेला फोन सर्वोत्तम आहे? तर हे तुमच्या फोनच्या वापरावर अवलंबून असते, असे तज्ज्ञांचे मत आहे. जर तुम्ही फोनमध्ये जास्त अॅप्स वापरत असाल तर जास्त जीबी रॅम आवश्यक आहे. नाहीतर कमी जीबी रॅममध्ये देखील तुमचा फोन चांगलं काम करेल. साधारणपणे ८ ते १२ जीबी रॅम सर्वोत्तम सध्या मार्केटमध्ये आहेत.
प्रोसेसरचं कामही महत्त्वाचं
स्मार्टफोनच्या सर्व कामकाजासाठी प्रोसेसर जबाबदार असतो. फोनचा प्रोसेसर चांगला असेल तर फोनचा परफॉर्मन्स चांगला राहणार आहे. सध्या, ऑक्टा-कोर चिपसेट सर्वोत्तम मानला जातो. तसेच फोनमध्ये लेटेस्ट जनरेशनचा चिपसेट असल्यास फोन अधिक फास्ट होईल आणि तुमची कामं फास्ट होतील.
वाचा : जर प्राणी माणसांसारखे दिसले असते तर? AI नं तयार केलेले हे ‘विचित्र’ फोटो पाहिले का?
सॉफ्टवेअर अपडेट
फोन जलद होण्यासाठी लेटेस्ट सॉफ्टवेअरही आवश्यक असते. म्हणजे सॉफ्टवेअर अत्याधुनिक तंत्रज्ञानाच्या सपोर्टसह येते. सध्या बाजारात अँड्रॉइड आणि आयओएस अशी दोन प्रकारची सॉफ्टवेअर्स उपलब्ध आहेत. यात लेटेस्ट Android 13 आहे. आयफोनसाठी लेटेस्ट अपडेट iOS 16 आहे. त्यामुळे तुमचा जो फोन असेल त्या दृष्टीने तो फोन अपडेटेड असल्यास फोन फास्ट चालेल.
वाचा : एलन मस्कला धक्का देण्यासाठी झुकरबर्ग सज्ज, ट्वीटरला टक्कर देण्यासाठी Instagram लाँच करणार Threads App
फोन रिस्टार्ट करणं ही महत्त्वाचं
जेव्हा स्मार्टफोन खूप हँग होऊ लागतो, तेव्हा तुम्ही तो रीस्टार्ट देखील करू शकता. हे देखील तुम्हाला खूप मदत करू शकते. रीस्टार्ट करणे म्हणजे तुमचा स्मार्टफोन पुन्हा एकदा वापरण्यासाठी तयार होतो. यासोबतच तुम्हाला उत्तम स्पीडही मिळेल. हेच कारण आहे की जेव्हाही तुम्हाला अशी कोणतीही समस्या येते तेव्हा स्मार्टफोन रीस्टार्ट करा.
वाचा : Upcoming Smartphones : नवा फोन घ्यायचा विचार करताय? थांबा, भारतात लाँच होत आहेत दमदार स्मार्टफोन्स