भारीच! आता टाटा तयार करणार iPhone 15, Apple सोबत फायनल झाली डिल

नवी दिल्ली : Tata will Manufacture iPhone : भारतातील प्रसिद्ध उद्योगसमूह टाटा आता अ‍ॅपलसोबत भागीदारी करणार आहे. रिपोर्ट्समधून समोर येणाऱ्या माहितीचा विचार केल्यास हा करार आता अंतिम टप्प्यात आहे. ब्लूमबर्गच्या अहवालानुसार, ऑगस्ट २०२३ पर्यंत हा करार मंजूर होऊ शकतो. जर हा करार झाला तर Apple ही पहिली कंपनी असेल जी भारतात आयफोन बनवण्याचा करार करेल. काही महिन्यांपूर्वीच टाटा ग्रुपने बंगळुरु येथील ॲपल आयफोन तयार करणारी पार्टनर कंपनी विस्ट्रॉनची फॅक्ट्री खरेदी केली होती. ज्यामुळे आता टाटा कंपनी देखील आयफोन तयार करणार असून विशेष म्हणजे भारतात टाटा कंपनीने तयार केलेले फोन्सची विक्री जगभरात होणार आहे. हा कारखाना आयफोन १४ मॉडेलच्या निर्मितीसाठी ओळखला जातो. या कारखान्यात १०,००० हून अधिक लोक काम करतात. रिपोर्ट्सचा विचार केला तर, मार्च २०२४ पर्यंत, विस्ट्रॉन या कारखान्यातून सुमारे $1.8 अब्ज किमतीचे Apple फोन तयार करेल. टाटा या कारखान्यातच आयफोन १५ तयार करणार आहे.

भारतीयांना काय फायदा होईल?
टाटाने आश्वासन दिले आहे की जर हा करार निश्चित झाला तर ते पुढील वर्षापर्यंत कारखान्यातील कामगारांची संख्या तिप्पट करेल. अशा परिस्थितीत मोठ्या प्रमाणावर नोकऱ्या निर्माण होतील. यासोबतच भारतातून स्मार्टफोनच्या निर्यातीला वेग येईल. त्याच आयफोनच्या निर्मितीचा खर्च कमी होईल. अशा परिस्थितीत येत्या काही दिवसांत आयफोनची किंमत कमी होऊ शकते.

विस्ट्रॉन कंपनी का विकली जात आहे?
रिपोर्ट्सचा विचार केला तर, विस्ट्रॉन कंपनी तोट्यात आहे. कारण अॅपलच्या टर्म अँड कंडिशनमध्ये कंपनीला तोटा होत आहे. खरं तर, विस्ट्रॉनचे म्हणणे आहे की Apple फॉक्सकॉन आणि पेगाट्रॉनपेक्षा जास्त मार्जिन चार्ज करत आहे. चीनच्या तुलनेत भारतात वेगवेगळी आव्हाने आहेत, त्यामुळे भारतातील कर्मचाऱ्यांसोबत काम करणे कठीण होत आहे. अशा परिस्थितीत विस्ट्रॉन आपली कंपनी विकणार आहे.

वाचा : Smartphone tips : तुमचा नवीन फोन बनावट तर नाही ना? खरेदी करण्यापूर्वी ‘या’ ५ गोष्टी नक्की चेक करा