Samsung Smart Wearable : स्मार्टवॉचने मार्केट गाजवलं, आता स्मार्ट रिंग, स्मार्ट बांगड्याही मार्केटमध्ये येणार

Samsung कंपनीच्या सर्वच प्रोडक्ट्सना तुफान मागणी असते. अगदी स्मार्टफोन, स्मार्टवॉच, स्मार्ट टीव्ही या साऱ्याला चांगलीच मागणी आहे. त्यामुळे आतासॅमसंग स्मार्ट ब्रेसलेट, स्मार्ट रिंग आणि स्मार्ट नेकलेस असे एकापेक्षा एक स्मार्ट वेअरबल्स लाँच करण्याच्या तयारीत आहे. गेल्या आठवड्यात, सॅमसंग हेल्थ बीटा अॅपने याबद्दल माहिती देताना स्मार्ट रिंगला समर्थन देणार्‍या सॉफ्टवेअर अॅप्सचा उल्लेख केला. यात Galaxy One, Pulse, Rhythm, Circle, Smart Index आणि Smart Insight अशी नावे ट्रेडमार्क केली आहेत आणि या वेअरेबल उपकरणांसाठी बायोमेट्रिक आणि बॉडी डेटा ट्रॅकिंग सॉफ्टवेअर अॅप्स विकसित केले आहेत.

एक काळ होता जेव्हा लोकांच्या हातावर फक्त वेळ सांगणारे घड्याळ असायचे. पण जेव्हापासून स्मार्टवॉच बाजारात आले आहे, तेव्हापासून सामान्य मनगटावरील घड्याळ जणू निवृत्त झाले आहे. आजच्या काळात लोक मनगटी घड्याळाऐवजी स्मार्टवॉच घेण्यास प्राधान्य देतात. आता असे दिसते आहे की ब्रेसलेट, अंगठी आणि नेकलेस मार्केटमधून बाहेर पडणार आणि सारंकाही स्मार्ट होणार आहे. सॅमसंगने स्मार्ट ब्रेसलेट तसेच स्मार्ट अंगठी (Ring) आणि स्मार्ट नेकलेस लाँच करण्याची तयारी केली आहे. कंपनीने यावर्षी सॅमसंग सर्कल, सॅमसंग स्मार्ट इंडेक्स आणि स्मार्ट इनसाइट सादर केले. हे Galaxy One, Galaxy Pulse आणि Galaxy Rhythm या नावांनी ट्रेडमार्क केलेले आहे. सॅमसंगने परिधान करण्यायोग्य उपकरणासाठी म्हणजेच वेयरेबल्स ट्रेडमार्कसाठी अर्ज करण्याची ही पहिलीच वेळ नाही.

हेल्थ संबधित अनेक फायदे
ही सर्व परिधान करण्यायोग्य आरोग्य उपकरणे आहेत. या सर्वांमुळे हेल्थ रिलेटेड बराच फायदा होणार आहे. यात हेल्थ ट्रॅक, हार्ट रेट मॉनिटर, वॉल्किंग काऊंट अशी सारी माहिती मिळणार असून यामुळे आरोग्य विषयक बराच फायदा होईल.

कधी सादर होणार हे प्रोडक्ट्स ?
हे स्मार्ट डिव्हाईस किती दिवसात लाँच होतील याबाबत कोणतीही माहिती नसली तरी. इतकं खरं आहे की कंपनी पहिल्यांदा दक्षिण कोरियामध्ये बीटा व्हर्जनमध्ये हे सारं सादर करू शकते.

वाचा : आता गावा-गावातही सुपरफास्ट इंटरनेट, 6G आणण्यासाठी भारत सरकार सज्ज