Amazon प्राईम मेंबरशिप ३० दिवसांसाठी मोफत, फक्त फॉलो करा ‘या’ सोप्या स्टेप्स

नवी दिल्ली : Amazon प्राइम डे सेल सुरू झाला आहे. पण या सेलचा लाभ फक्त प्राइम मेंबरनाच घेता येणार आहे. तर हा सेल आज १५ जुलैपासून सुरू झाला असून १६ जुलैपर्यंत चालेल. पण तुमच्याकडे प्राइम मेंबरशिप असेल तरच तुम्ही याचा फायदा घेऊ शकाल. पण आता तुमच्याकडे सदस्यत्व नसल्यास, तरीही तुम्ही सदस्यत्व घेऊ शकता आणि ऑफरचा लाभ घेऊ शकता. तुम्हाला यासाठी पैसे द्यावे लागतील, परंतु तुम्ही ३० दिवसांची मोफत मेंबरशिप देखील सोबतच मिळेल. आता नेमकं हे सर्व काय आहे ते आम्ही सांगणार आहोत.

Amazon प्राइम विनामूल्य उपलब्ध
जर तुम्हाला प्राइम मेंबरशिपचा ३० दिवस मोफत लाभ घ्यायचा असेल तर तुम्हाला काय करावे लागेल ते आम्ही आता सांगणार आहोत. तर Amazon आपल्या वापरकर्त्यांना ३० दिवसांसाठी प्राइम मेंबरशिप विनामूल्य वापरण्याची संधी देते जेणेकरून ते त्यांच्यासाठी योग्य सेवा आहे की नाही हे जाणून घेण्यासाठी प्राइम मेंबरशिपचे फायदे वापरू शकतात. विनामूल्य चाचणी संपल्यानंतर, तुमच्याकडून आपोआप १,४९९ रुपये आकारले जातील.

कसं कराल साइन अप करा?
सर्वप्रथम तुम्हाला Amazon पेजवर जावे लागेल.
यानंतर, प्राइममध्ये सामील होण्यासाठी तुम्हाला साइन इन वर टॅप करावे लागेल.
त्यानंतर Amazon खात्यात लॉग इन करा किंवा नवीन खाते तयार करा.
त्यानंतर तुमची ३० दिवसांची प्राइम मोफत चाचणी सुरू करा वर क्लिक करा.
त्यानंतर तुम्हाला पेमेंट पद्धत निवडावी लागेल ज्यामध्ये डेबिट/क्रेडिट/एटीएम कार्ड आणि UPI समाविष्ट असेल.
कार्ड किंवा UPI ची पात्रता जाणून घेण्यासाठी, २ रुपयांचा परतावा करण्यायोग्य व्यवहार करावा लागेल.
यानंतर तुम्हाला तुमची ३० दिवसांची मोफत चाचणी मिळेल. ३० दिवसांनंतर १,४९९ रुपय ऑटो डेबिट होतील म्हणजे आपोआप कट होतील.
तुम्ही ३० दिवस पूर्ण होण्यापूर्वीच ही मेंबरशिप रद्द करू शकता.

वाचा : Smartphone Care : स्मार्टफोनचा चार्जर होणार नाही खराब, फक्त चुकूनही ‘या’ चुका करू नका