Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
फोल्डेबल स्मार्टफोन्सची बाजारात तेजी आहे. प्रत्येक कंपन्या फोल्डेबल स्मार्टफोन लाँत करत आहेत. पण अॅपल सर्वांच्या एक पाऊल पुढे जात फोल्डेबल स्मार्टफोनच्या तुलनेत रोल करण्यायोग्य रोलेबल स्मार्टफोन आणत आहे. तर हे रोलेबल स्मार्टफोनची स्क्रीन पूर्णपणे ब्रेड रोलप्रमाणे फोल्ड केली जाऊ शकते. म्हणजे या फोनची स्क्रीन अगदी हाताच्या मनगटावर आपण परिधान देखील करू शकता.
सॅमसंगला बसणार मोठा धक्का
रोल करण्यायोग्य स्मार्टफोनचे आगमन सॅमसंगसाठी एक मोठा धक्का असू शकतो, कारण सॅमसंग फोल्डेबल स्मार्टफोन बाजारपेठेतील एक महत्त्वाचा पार्ट आहे. कारण स्पेक्स आणि सर्वाच्या तुलनेत अॅपल भारी असून सॅमसंगने फक्त फोल्डेबल स्मार्टफोनने हवा केली आहे, पण आता अॅपलने रोल करण्यायोग्य फोन लाँच केल्यानंतर फोल्डेबल स्मार्टफोनचा बाजारातील हिस्सा कमी होऊ शकतो. याबाबत अॅपलने पेटंट देखील दाखल केले आहे. यूएस पेटंट आणि ट्रेडमार्क कार्यालयाने अलीकडेच एक पेटंट अर्ज दाखल केला आहे. त्यात या डिस्प्लेची रचना दाखवण्यात आली आहे.
Apple आणणार रोल करण्यायोग्य डिस्प्ले फोन
Apple च्या आधी LG, Oppo आणि Motorola सारख्या अनेक कंपन्या रोल करण्यायोग्य स्मार्टफोन बनवण्याच्या दिशेने काम करत आहेत. कंपन्या सद्यातरी अगदी प्रारंभिक टप्प्यात आहेत. अशा परिस्थितीत रोल करण्यायोग्य स्मार्टफोनच्या डिझाइन आणि वैशिष्ट्यांबद्दल नेमकी माहिती उपलब्ध नाही. LG चा रोल करण्यायोग्य स्मार्टफोन किती दिवसात लाँच केला जाईल याबद्दल कोणतीही माहिती नाही. दुसर्या लीक झालेल्या अहवालानुसार Apple फोल्डेबल मॅकबुकवर देखील काम करत आहे, जे २०२६ पर्यंत लाँच केले जाऊ शकते.