Xiaomi, Realme ची भारतातील विक्री झाली कमी, ‘हा’ ब्रँड बनला नंबर १

By tejpolicetimes On Jul 20, 2023

नवी दिल्ली : Smartphone Selling in India : भारतात स्मार्टफोन वापरणाऱ्यांच्या संख्येत मागील काही वर्षात लक्षणीय वाढ झाली आहे. दरम्यान २०२३ वर्षात विविध ब्रँड्सच्या स्मार्टफोन विक्री संबधित महत्त्वाची माहिती समोर आली आहे. यात बजेट स्मार्टफोन तयार करण्यात आघाडीवर असणाऱ्या रिअलमी आणि शाओमी या कंपन्यांचा भारतातील सेल मागील काही महिन्यात कमी झाल्याचं समोर आलं आहे. तर सॅमसंग सद्यस्थितीला सर्वाधिक विक्री होणारा ब्रँड बनला आहे.

भारतात Xiaomi आणि Realme ब्रँडच्या स्मार्टफोन्सना जोरदार मागणी होती. Xiaomi आणि Realme हे गेल्या काही वर्षांपासून भारतातील टॉप स्मार्टफोन ब्रँड आहेत. मात्र, आता Realme आणि Xiaomi स्मार्टफोनच्या मागणीत मोठी घट झाली आहे. या दरम्यान Vivo ने सुमारे ७ टक्क्यांनी उडी घेतली आहे. तर सॅमसंगला १ टक्क्यांचे किरकोळ नुकसान झाले आहे. सॅमसंगने वर्षाच्या दुसऱ्या तिमाहीत सुमारे ६.६ दशलक्ष स्मार्टफोन विकले, जे गेल्या वर्षी ६.७ दशलक्ष होते.

सॅमसंग सर्वात मोठा ब्रँड
कॅनालिसच्या अहवालानुसार, २०२२ च्या दुसऱ्या तिमाहीत, Xiaomi चा बाजारातील हिस्सा सुमारे १९ टक्के होता, तर Samsung चा बाजारातील हिस्सा सुमारे १८ टक्के होता. म्हणजे एक वर्षापूर्वीपर्यंत Xiaomi ही भारतातील नंबर-1 स्मार्टफोन कंपनी होती. तर सॅमसंग हा टॉप-२ ब्रँड होता. आता परिस्थिती बदलली असली तरी. २०२३ च्या दुसऱ्या तिमाहीत सॅमसंग १८ टक्क्यांसह अव्वल स्मार्टफोन ब्रँड बनला आहे. तर Xiaomi १५ टक्के मार्केट शेअरसह तिसऱ्या क्रमांकावर घसरली आहे. तर Vivo १८ टक्के मार्केट शेअरसह टॉप-२ स्मार्टफोन ब्रँड बनला आहे. रिअलमी चौथ्या तर Oppo पाचव्या स्थानावर आहे.

टॉप ५ स्मार्टफोन शिपमेंट्स
(दशलक्ष मध्ये)
सॅमसंग – ६.६ टक्के
Vivo – ६.४ टक्के
Xiaomi – ५.४ टक्के
Realme – ४.३ टक्के
Oppo -३.३ टक्के
इतर – ९.७ टक्के

वाचा : आता मित्र-मैत्रिनींना Netflix चा पासवर्ड शेअर करता येणार नाही, वाचा नवीन अटी आणि नियम

Source link