आता मित्र-मैत्रिनींना Netflix चा पासवर्ड शेअर करता येणार नाही, वाचा नवीन अटी आणि नियम

By tejpolicetimes On Jul 20, 2023

नवी दिल्ली : Netflix ends Password Sharing : सध्या सर्वात आघाडीवर असणारी ओटीटी सर्व्हिस म्हणजे नेटफ्लिक्स. एकापेक्षा एक दमदार सिनेमे आणि वेबसिरीज नेटफ्लिक्सवर असून सब्सक्रिप्शनची किंमतही नेटफ्लिक्सची इतरांच्या तुलनेत खूप जास्त आहे. दरम्यान त्यामुळे नेटफ्लिक्स मोठ्या प्रमाणात एकमेंकाना शेअर केले जात होते. पण आता नेटफ्लिक्सने भारतात पासवर्ड शेअरिंगवर बंदी घातली आहे. नेटफ्लिक्सने भारतात पासवर्ड शेअरिंग फीचर बंद करण्यात येत असलं तरी सोबत एक महत्त्वाची गोष्ट ही कंपनीने जाहिर केली आहे.

नेटफ्लिक्सने एक फीचर आणलं आहे ज्यामुळे पासवर्ड शेअरिंग एकाच घरातील सदस्यासाठी बंद केले जात नाही. याचा अर्थ तुम्ही एकाच घरातील लोकांमध्ये नेटफ्लिक्स पासवर्ड आरामात शेअर करू शकाल. पण जर अनेक मित्रांनी एकत्र नेटफ्लिक्स सबस्क्रिप्शन घेतले असेल तर ते नेटफ्लिक्स पासवर्ड शेअर करू शकणार नाहीत. त्यामुळे आता मित्र-मैत्रिनींना Netflix चा पासवर्ड शेअर करता येणार नाही.

हा निर्णय का घेतला गेला?
नेटफ्लिक्सला जागतिक स्तरावर तोट्याचा सामना करावा लागत होता, त्यामुळे नेटफ्लिक्सने भारतासाठी पासवर्ड शेअरिंग पर्याय बंद करण्याचा निर्णय घेतला आहे. एकाच घरात राहणारे लोक Netflix पासवर्ड शेअर करू शकतील. जेव्हा ते सुट्टीवर जातात तेव्हा ते प्रोफाइल शेअर करु शकणार आहेत. कंपनीने सांगितले की त्यांनी भारतात त्यांच्या घराबाहेर नेटफ्लिक्स शेअर करणाऱ्या ग्राहकांना ईमेल पाठवण्यास सुरुवात केली आहे.

१०० देशांमध्ये पासवर्ड शेअरिंग फीचर बंद
नेटफ्लिक्सने या वर्षी मे महिन्यात युनायटेड स्टेट्स, यूके, फ्रान्स, जर्मनी, ऑस्ट्रिया, सिंगापूर, मेक्सिको, ब्राझील सारख्या १०० देशांमध्ये पासवर्ड शेअरिंग पर्यायावर बंदी घातली आहे. या देशांच्या यादीत आता भारताचाही नंबर लागला आहे. दरम्यान सद्यस्थितीला विचार केला तर Netflix चे जगभरात सुमारे ६ दशलक्ष सदस्य आहेत.

वाचा : WhatsApp New Feature : आता नंबर सेव्ह न करता ही करु शकता व्हॉट्सअ‍ॅपवर चॅटिंग, सोप्या आहेत स्टेप्स

Source link