बाईपण भारी देवा सिनेमाची नादखुळा कमाई, २४ दिवसांत कमावले तब्बल ५०-६० कोटी नव्हे तर….

मोडले अनेक रेकॉर्डस
केदार शिंदे यांनी दिग्दर्शन केलेल्या या सिनेमानं अनेक सैराट, तसंच वेड सिनेमाचे अनेक रेकॉर्ड्स मोडले आहेत. सर्वाधिक कमाई करणारा मराठी सिनेमाचा रेकॉर्ड अद्यापही सैराटच्या नावावर कायम आहे. वेड सिनेमालाही ते जमलं नाही. परंतु बाईपण भारी देवाची क्रेझ अशीच आणखी दोन आठवडे दिसली तर, हा रेकॉर्ड मोडला जाऊ शकतो, असंही म्हटलं जात आहे.

एका दिवसांत सर्वाधिक कमाई
‘बाईपण भारी देवा’ चित्रपटानं पहिल्याच आठवड्यात बॉक्सऑफिसवर तब्बल १२.५० कोटींची कमाई केली होती. इतकंच नाही तर प्रदर्शनाच्या दुसऱ्याच रविवारी एका दिवसांत ६.१० कोटींची कमाई करणारा हा पहिला मराठी चित्रपट ठरला होता. एका दिवसांत सगळ्यात जास्त कमाई करणारा हा मराठी सिनेमा ठरलाय.

बॉक्स ऑफिसवर धुमाकूळ घालणाऱ्या ‘बाईपण भारी देवा’ चित्रपटाची निर्मिती माधुरी भोसले आणि जिओ स्टुडिओजनं केली आहे. या चित्रपटाचे सह-निर्माते बेला शिंदे आणि अजित भुरे हे आहेत. ‘बाईपण भारी देवा’ चित्रपटात रोहिणी हट्टंगडी,वंदना गुप्ते, सुकन्या मोने,शिल्पा नवलकर, सुचित्रा बांदेकर आणि दीपा परब अशी अभिनेत्रींच्या मुख्य भूमिका आहेत.
म्हणून कोणी मत देत नाही… अमित ठाकरेंच्या टोलनाका प्रकरणावर मराठी अभिनेत्याचं बोचरं ट्विट
कलाकारांचा उत्तम अभिनय,उत्कृष्ट कथानक,सुरेल गाणी अन् दिग्दर्शक केदार शिंदे यांच्या अष्टपैलू दिग्दर्शनामुळं हा सिनेमा यशस्वी ठरलाय.