तुमच्या आरोग्याची काळजी घेण्यासाठी स्मार्टवॉचची जागा घेणार Smart Ring, Boat नंतर Noise लाँच करणार स्मार्टरिंग

नवी दिल्ली : Noise Luna Smart ring : काही दिवसांपूर्वीच boAt कंपनीने आरोग्याची काळजी घेणारी पहिली स्मार्ट रिंग लाँच केली. आता Noise कंपनीही या शर्यतीत सामील झाली आहे. कंपनीने आपल्या पहिल्या फायटर-जेट ग्रेडच्या टायटॅनियम बॉडीसह नॉईस लुना स्मार्ट रिंग लाँच केली आहे. ही खास अशा फिलिप्स बायोसेन्सिंगवर काम करते. ही सनलिट गोल्ड, रोझ गोल्ड, स्टारडस्ट सिल्व्हर, लूनर ब्लॅक आणि मिडनाईट ब्लॅक रंगांमध्ये खरेदी करता येईल. तर ही कधी आणि किती रुपयांना खरदे करता येईल याबद्दल नेमकी माहिती समोर आली नसली तरी आतापर्यंत समोर आलेल्या संभाव्य फीचर्सबद्दल जाणून घेऊ…

Noise Luna Smart ring फीचर्स
३ मिमी इतकी आहे. अतिशय हलकी देखील आहे. या वॉचचा आतील भाग हायपोअलर्जेनिक सामग्रीपासून बनवला गेला आहे. ही इन्फ्रारेड फोटोप्लेथिस्मोग्राफी (PPG) सेन्सर, तापमान सेन्सर अशा विविध सेन्सर्ससह येते. यात वायरलेस चार्जिंग सपोर्टसह दमदार बॅटरी आहे जी ७ दिवसांपर्यंतचे बॅटरी लाईफ देऊ शकते.

वाचाः स्मार्टफोनला तासाऐवजी मिनिटात करा चार्ज, या टिप्सचा करा वापर

स्मार्ट रिंग ऑप्टोमेकॅनिकल डिझाइनसह येते ज्यामध्ये ३ एलईडी आणि २ पीडी आहेत. नॉईस लुना स्मार्ट रिंगमध्ये एकापेक्षा एक हेल्थ रिलेटेड फीचर्स असणार आहेत. यामध्ये स्लीप ट्रॅकिंग, स्टेप ट्रॅकिंग, हार्टरेट आणि ब्लड ऑक्सिजन लेव्हल हे सारे फीचर्स आहेत. ही अंगठी ५० मीटरपर्यंत पाण्यात खराब होणार नाही. ही NoiseFit अॅपद्वारे Android किंवा iOS डिव्हाइसेससह जोडली जाऊ शकते. Priority Access Pass द्वारे २ हजार रुपयांमध्ये Noise Luna ची प्री-ऑर्डर केली जाऊ शकते.

boAt स्मार्ट रिंगमध्ये असणार हे फीचर्स
boAt स्मार्ट रिंग सिरॅमिक आणि धातूपासून बनविली जाईल. तिची रचना अगदी आकर्षक असेल. कोणत्याही ड्रेसिंगवर सूट होणारी अशीच ही स्मार्ट रिंग असेल. याला 5ATM रेटिंग असेल ज्यासह ते पाणी आणि घामाने खराब होणार नाही. तसंच याची बिल्ड क्वॉलिटी अगदी कॉम्पॅक्ट आणि हलकी असेल. यामध्ये आरोग्य आणि फिटनेस ट्रॅकिंग संबधित दमदार फीचर्स असतील.
वाचा : तुम्हीही Spotify वापरता? आता गाणी ऐकणं होणार महाग, पाहा कसा आहे नवीन प्लान?