Tej Police Times
अतिवृष्टीमुळे मुंबईसह उपनगरातील शाळांना सुट्टी देण्याचे आदेश; शालेय शिक्षणमंत्री दीपक केसरकर यांची घोषणा
Maharashtra Rain Alert: मुंबईत सुरू असलेल्या मुसळधार पावसामुळे भारतीय हवामान खाते (मुंबई) यांच्यावतीने मुंबईला बुधवार, २६ जुलै रोजी रात्री ८ ते गुरुवार, २७ जुलै रोजी दुपारपर्यंत अतिमुसळधार पावसाचा (रेड अलर्ट) इशारा दिला आहे. मुंबईत मध्यरात्री २०० मिमीहून अधिक पावसाची शक्यता वर्तवण्यात आली आहे.
या पार्श्वभूमीवर विद्यार्थ्यांची सुरक्षितता लक्षात घेता, महानगरपालिका आयुक्त डॉ. इकबाल सिंह चहल यांनी मुंबई महानगरातील महानगरपालिकेच्या तसेच सर्व शासकीय आणि खासगी प्राथमिक, माध्यमिक व उच्च माध्यमिक शाळा तसेच सर्व महाविद्यालयांना गुरुवार, २७ जुलै २०२३ रोजी सुट्टी जाहीर केली आहे.
या पार्श्वभूमीवर विद्यार्थ्यांची सुरक्षितता लक्षात घेता, महानगरपालिका आयुक्त डॉ. इकबाल सिंह चहल यांनी मुंबई महानगरातील महानगरपालिकेच्या तसेच सर्व शासकीय आणि खासगी प्राथमिक, माध्यमिक व उच्च माध्यमिक शाळा तसेच सर्व महाविद्यालयांना गुरुवार, २७ जुलै २०२३ रोजी सुट्टी जाहीर केली आहे.
शिवाय,मुंबई विद्यापीठाअंतर्गत असणाऱ्या महाविद्यालयांच्या ज्या परीक्षा २७ जुलैला नियोजित आहेत त्याही परीक्षाही पुढे ढकलणार असल्याचे परिपत्रकही विद्यापीठाच्या वतीने जाहीर करण्यात आले आहे. सदर परीक्षांचे नवीन वेळापत्रक लवकरच जाहीर करणार असल्याची माहितीही मुंबई विद्यापीठाच्यावतीने देण्यात आली आहे.