‘या’ दिवशी लाँच होणार iPhone 15, संभाव्य किंमत आणि फीचर्सही आले समोर

iPhone 15 कधी होणार लाँच

लीक झालेल्या माहितीनुसार iPhone 15 ही नवीन सिरीज यावर्षी १२ सप्टेंबर रोजी लाँच होऊ शकते. मात्र, कंपनीने याबाबत कोणतीही अधिकृत पुष्टी केलेली नाही. जोपर्यंत कंपनीकडून अधिकृत दुजोरा मिळत नाही, तोपर्यंत ही तारीख खरी आहे असे बोलता येणार नाही. दरवर्षी प्रमाणे, अॅपलचा विशेष कार्यक्रम क्युपर्टिनो येथील स्टीव्ह जॉब्स थिएटरमध्ये होऊ शकतो.

​iPhone 15 चे संभाव्य फीचर्स

iPhone 15 मध्ये ६.१ इंच लिक्विड रेटिना डिस्प्ले असण्याची अपेक्षा आहे. असे म्हटले जात आहे की याच्या सर्व मॉडेल्समध्ये डायनॅमिक आयलँड-स्टाईल डिस्प्ले असेल. गेल्या वर्षीपर्यंत हे फीचर आयफोन १४ च्या प्रो मॉडेलपुरते मर्यादित होते. तसंच, आयफोन १५ पूर्वीपेक्षा अधिक चांगल्या प्रोसेसरसह ऑफर केला जाऊ शकतो. असेही सांगितले जात आहे की या नवीन सीरिजमध्ये A16 बायोनिक चिपसेट दिला जाऊ शकतो.

iPhone 15 चा कॅमेराही असणार जबरदस्त

कॅमेर्‍याबद्दल बोलायचे झाले तर, iPhone 15 मध्ये ४८ मेगापिक्सेल इमेज सेन्सरसह डुअल रेअर कॅमेरा सेटअप दिला जाऊ शकतो. त्यात सॉफ्टवेअर अपग्रेडही दिले जाऊ शकते, असे मानले जात आहे. iPhone 15 वरून चांगल्या बॅटरी बॅकअपची अपेक्षा करू शकतो. या फोनमध्ये लेटेस्ट iOS सॉफ्टवेअर अपडेट दिले जाऊ शकते.

वाचा :काय सांगता? Apple चे शूज? किंमत ४० लाख रुपये, वाचा सविस्तर

iPhone 15 असणार एकदम कलरफुल

आयफोन १५ मध्ये एकापेक्षा एक दमदार कलर्स अशू शकतात अशी माहिती समोर येत आहे. Tipster ShrimpApplePro (@VNchocoTaco) ने Foxconn कर्मचाऱ्याच्या Weibo पोस्टचा स्क्रीनशॉट ट्वीट केला आहे. या ट्वीटनुसार, iPhone 15 आणि iPhone 15 Plus मध्ये ग्रीन, मिडनाईट ब्लॅक, पिंक, प्रॉडक्ट रेड, स्टारलाइट व्हाईट आणि यलो हे कलर ऑप्शन्स असतील असं दिसून येत आहे.

वाचा :Online Scam : जास्त पैसे कमावण्याच्या नादात बसला लाखोंचा गंडा, एक क्लिक आणि खात्यातून ९.३५ लाख गायब

​iPhone 15 ची संभाव्य किंमत

लीक्सनुसार, भारतात iPhone 15 ची किंमत जवळपास ८० हजार रुपये असेल. ही सर्वात स्वस्त मॉडेलची किंमत असू शकते. त्याचवेळी, काही लीक्समध्ये असेही बोलले जात आहे की कंपनी Apple iPhone 15 ची किंमत वाढवू शकते.

वाचा : Virat Kohli Earbuds : कोहली वापरतो ‘या’ कंपनीचे इअरबड्स, किंमत आहे २० हजार, वाचा सविस्तर
​