Disney Plus Hotstar ने पण आणणार नवीन पॉलिसी, आता पासवर्ड शेअरिंग करताना ‘हे’ असतील नवे नियम

नवी दिल्ली : आजकाल विविध OTT सर्व्हिसेस मार्केटमध्ये आल्या आहेत. बरेच नवे सिनेमे देखील ऑनलाईनच रिलीज होत असतात. त्यात नेटफ्लिक्स, प्राईम व्हिडीओ, डिस्ने प्लस हॉटस्टार हे काही असे ओटीटी प्लॅटफॉर्म आहेत. जे सर्वाधिक वापरले जातात. दरम्यान नेटफ्लिक्सने काही दिवसांपूर्वी एका घराबाहेर इतर कोणालाही पासवर्ड शेअर करता येणार नसल्याचा नियम आणला आहे. पण यालाच तोड देण्यासाठी डिस्ने प्लस हॉटस्टारने आपल्या भारतीय स्ट्रीमिंग प्लानसाठी एक आनंदाची बातमी दिली आहे. कंपनीने म्हटले आहे की त्याचे प्रीमियम वापरकर्ते एकाच वेळी ४ वेगवेगळ्या डिव्हाइसेसवर लॉग इन करु शकणार आहेत. त्यामुळे नेटफ्लिक्सशी स्पर्धा करण्यासाठी हे पाऊल उचलल्याचे दिसून येत आहे.

भारतात, Disney+ Hotstar स्ट्रीमिंग सेवेच्या प्रीमियम सेवेची सदस्यता घेतलेल्या कोणालाही सध्या १० डिव्हाइसेसवर लॉग इन करण्याची परवानगी आहे. मात्र, कंपनीच्या म्हणण्यानुसार ही संख्या ४ केली जाणार आहे. नवीन धोरणाबद्दल सूत्रांकडून समोर येणाऱ्या माहितीनुसार, डिस्ने+ हॉटस्टारने या सेवेची सध्या चाचणी केली आहे आणि वर्षाच्या अखेरीस ही लागू करू शकते. दरम्यान या नवीन मर्यादांमुळे, काही वापरकर्त्यांना त्यांचे स्वतःचे सब्सक्रिप्शन घ्यावे लागेल असे दिसून येत आहे, पण डिस्नेने अद्याप कोणतीही अधिकृत प्रतिक्रिया दिलेली नाही.

वाचा : Virat Kohli Earbuds : कोहली वापरतो ‘या’ कंपनीचे इअरबड्स, किंमत आहे २० हजार, वाचा सविस्तर

OTT चं मार्केट आणखी वाढणार
मीडिया पार्टनर एशियाने असा विश्वास व्यक्त केला आहे की डिस्ने, नेटफ्लिक्स, अॅमेझॉन आणि जिओ सिनेमाने भारतीय बाजारपेठेत प्रचंड लोकप्रियता मिळवली आहे. २०२७ पर्यंत या विभागात आणखी वाढ होऊ शकते. असे मानले जाते की या वर्षापर्यंत हा विभाग ७ डॉलर अब्ज म्हणजेच सुमारे ५७,५३० कोटी रुपयांपर्यंत पोहोचेल. एका अहवालानुसार, Hotstar प्रीमियम वापरकर्त्यांपैकी ५ टक्के लोकांनी ४ पेक्षा जास्त उपकरणांवर लॉग इन केले होते.
वाचा : ‘या’ दिवशी लाँच होणार iPhone 15, संभाव्य किंमत आणि फीचर्सही आले समोर