Gadar 2 VS OMG 2 Box Office: सनी की अक्षय, कोण कुणावर पडलं भारी? वाचा पहिल्या दिवशीची कमाई किती

By tejpolicetimes On Aug 12, 2023

मुंबई– सध्या सोशल मीडियावर दोन चित्रपटांनी धुमाकूळ घातला आहे. बॉलिवूडच्या दोन बड्या अभिनेत्यांची प्रेक्षकांमध्ये चर्चा आहे. ते अभिनेते म्हणजे बॉलिवूडचा खिलाडी अक्षय कुमार आणि अभिनेता सनी देओल. अक्षय आणि सनी दोघेही बॉक्स ऑफिसवर एकमेकांना भिडलेत. सनीचा ‘गदर २’ आणि अक्षयचा ‘ओएमजी २’ हे दोन्ही चित्रपट एकाच दिवशी प्रदर्शित झालेत. हे दोन्ही सिनेमे पहिल्या भागाचे सिक्वेल आहेत. मात्र या दोघांपैकी कुणी बॉक्स ऑफिसवर बाजी मारलीये? पहिल्या दिवशीही कुणी किती कमाई केलीये जाणून घ्या.

नितीन देसाईंच्या अस्थी विसर्जित

सनी आणि अक्षय दोघांचाही प्रेक्षकवर्ग प्रचंड मोठा आहे. या दोघांच्याही चित्रपटाच्या पहिल्या भागाला प्रचंड प्रतिसाद मिळाला. त्यामुळे दुसऱ्या भागाला कशी प्रतिक्रिया मिळतेय हे पाहण्यासाठी सगळेच उत्सुक होते, अशात आता दोन्ही चित्रपटांच्या पहिल्या दिवशीची कमाई समोर आली आहे. चित्रपटांच्या पहिल्या दिवसाबद्दल बोलायचं झालं तर, सनी देओल पुन्हा एकदा बॉक्स ऑफिसवर त्यांची जादू दाखवण्यात यशस्वी झाला. SacNilk च्या सुरुवातीच्या ट्रेंड रिपोर्टनुसार, ‘गदर २’ ने पहिल्या दिवशी ४० कोटींची कमाई केली आहे. अॅडवान्स बुकिंगमधूनच या चित्रपटाने १७ कोटी कमाई केली. ‘गदर २’ देशभरातील 3500 हून अधिक स्क्रीन्सवर रिलीज करण्यात आला होता.

तर अक्षयचा ‘ओएमजी २’ हा प्रदर्शनापूर्वीच वादात सापडला होता. SacNilk च्या सुरुवातीच्या ट्रेंड रिपोर्टनुसार, ‘OMG २’ ने रिलीजच्या पहिल्या दिवशी बॉक्स ऑफिसवर फक्त ९ कोटी ५० लाखांची रुपयांची कमाई केली आहे. त्यामुळे इथे या लढाईत सनीचा हातोडा अक्षयवर भारी पडल्याचं दिसून येतंय. पुढे कदाचित हे चित्र बदलू शकतं.
गायिका आनंदी जोशी- जसराज अडकले विवाहबंधनात, कोर्ट मॅरेज करून दिली Good News

Source link