Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
खिशाला परवडणाऱ्या किंमतीत आले Nokia चे फोन; असे आहेत Nokia G310 5G आणि Nokia C210 चे स्पेक्स
नोकिया ब्रँडनं पुनरागमन केल्यावर देखील मजबूत स्मार्टफोन बनवणारी कंपनी हे नाव कायम राखलं आहे. कंपनी बजेट आणि मिडरेंजमध्ये सक्रिय आहे. आता देखील कंपनीनं बजेट रेंजमध्ये Nokia G310 5G आणि Nokia C210 स्मार्टफोन अमेरिकन बाजारात लाँच केला आहेत. जे लवकरच भारतासह इतर देशांमध्ये येऊ शकतात.
Nokia G310 5G आणि Nokia C210 ची किंमत
Nokia G310 5G ची किंमत १८६ डॉलर म्हणजे जवळपास १५ हजार रुपयांपासून सुरु होते. हा फोन येत्या २४ ऑगस्टपासून सेलसाठी उपलब्ध होईल. Nokia C210 ची किंमत १०९ डॉलर म्हणजे जवळपास ९,००० रुपये ठेवण्यात आली आहे. ज्याची विक्री १४ सप्टेंबरपासून केली जाईल.
Nokia G310 5G चे स्पेसिफिकेशन्स
Nokia G310 5G मध्ये ६.६ इंचाचा HD+ डिस्प्ले देण्यात आला आहे. जो २०:९ अ‍ॅस्पेक्ट रेश्यो, ७२० x १६१२ पिक्सल रिजॉल्यूशन, ९०Hz रिफ्रेश रेट आणि गोरिल्ला ग्लास ३ ची सुरक्षा मिळते. हा फोन अँड्रॉइड १३ वर चालतो. सिक्योरिटीसाठी साइड-माउंटेड फिंगरप्रिंट सेन्सर देण्यात आला आहे. फोन १६५.० x ७५. ८ x ८.५५ मिमी आणि १९३.८ ग्रामचा आहे.
वाचा: कमी बजेटमध्ये मिळेल दमदार स्मार्टफोन, २० हजारांहून स्वस्त स्मार्टफोनची यादी एकदा पाहाच
डिवाइसमध्ये ऑक्टा कोर स्नॅपड्रॅगन ४८०+ प्रोसेसर आहे. जोडीला एड्रेनो ६१९ जीपीयू मिळतो. डिवाइसमध्ये ४ जीबी रॅम +१२८ जीबी इंटरनल स्टोरेज देण्यात आली आहे. स्टोरेज वाढवण्यासाठी मायक्रोएसडी स्लॉट मिळतो. ज्याच्या मदतीनं १ टीबी स्टोरेज वाढवता येईल.
हा फोन ट्रिपल कॅमेरा सेटअपसह येतो. ज्यात ५० एमपीचा प्रायमरी कॅमेरा, २ एमपीचा डेप्थ आणि २ एमपी मॅक्रो कॅमेरा लेन्स एलईडी फ्लॅशसह देण्यात आला आहे. सेल्फीसाठी ८MP चा फ्रंट कॅमेरा आहे. डिवाइसमध्ये २०वॉट फास्ट चार्जिंगसह ५०००mAh बॅटरी देण्यात आली आहे. धूळ आणि पाण्यापासून वाचण्यासाठी आयपी५२ रेटिंग, ड्युअल सिम ५जी, ४जी, वाय-फाय, ब्लूटूथ ५.१ सारख्या सुविधा आहेत.
Nokia C210 चे स्पेसिफिकेशन्स
Nokia C210 मध्ये ६.३ इंचाचा एचडी+ वॉटर ड्राप नॉच एचडी डिस्प्ले आहे. जो ७२० x १५६० पिक्सल रिजॉल्यूशन, २०:९ अ‍ॅस्पेक्ट रेश्यो आणि कॉर्निंग गोरिल्ला ग्लास ३ ला सपोर्ट करतो. स्मार्टफोनमध्ये ऑक्टा कोर स्नॅपड्रॅगन ६६२ प्रोसेसर आणि एड्रेनो ६१० जीपीयू आहे. जोडीला ३ जीबी रॅम व ३२ जीबी स्टोरेजसह मायक्रोएसडी कार्ड सपोर्ट देखील आहे. ज्याच्या मदतीनं ५१२जीबी पर्यंत स्टोरेज वाढवता येईल.
वाचा: आयफोन युजर्सना कंपनी देणार प्रत्येकी 5000 रुपये; जाणून घ्या नियम व अटीundefined
यात ड्युअल रियर कॅमेरा सेटअप आहे. ज्यात १३ मेगापिक्सलचा प्रायमरी आणि २मेगापिक्सलचा डेप्थ कॅमेरा लेन्स LED फ्लॅशसह मिळते. तसेच सेल्फीसाठी ५मेगापिक्सलचा फ्रंट कॅमेरा आहे. मोबाइलमध्ये १०वॉट चार्जिंगसह ३०००एमएएचची बॅटरी देण्यात आली आहे. हा फोन अँड्रॉइड १३ वर चालतो. डिवाइस साइड-माउंटेड फिंगरप्रिंट सेन्सर, आयपी५२ रेटिंग, ड्युअल ४जी वीओएलटीई, वाय-फाय, ब्लूटूथ ५.० सारखे अनेक फीचर्स मिळतात.