कोणलाही न कळवता Jio नं बंद केला सर्वात स्वस्त प्लॅन; आता तीस रुपये द्यावे लागणार जास्त

By tejpolicetimes On Aug 24, 2023

टेलिकॉम कंपन्यांनी रिचार्ज प्लॅनची किंमत वाढवण्याचा नवा फॉर्म्युला आणला आहे, ज्यात स्वस्त प्लॅन गुपचूप बंद केले जात आहेत. आणि त्याच्या जागी थोडे महागडे रिचार्ज प्लॅन्स सादर केले जातात काही दिवसांपूर्वी एयरटेलनं केलं होतं आता जिओनं देखील तोच मार्ग अवलंबला आहे. कंपनीनं आपला ११९ रुपयांचा प्रीपेड रिचार्ज प्लॅन बंद केला आहे.

११९ रुपयांचा प्लॅनचे बेनिफिट्स

जिओनं ११९ रुपयांचा प्लॅन गुपचूप बंद केला आहे. हा प्लॅन १४ दिवसांच्या वैधतेसह येत होता. त्यामुळे हा प्लॅन बंद झाल्यामुळे छोटा रिचार्ज प्लॅन करणाऱ्या ग्राहकांवर ह्याचा जास्त परिणाम होईल. ह्या प्लॅनमध्ये युजर्सना डेली १.५जीबी डेटा दिला जात होता. त्याचबरोबर अनलिमिटेड व्हॉइस कॉलिंगची सुविधा मिळते. तसेच रोज १०० एसएमएसची सुविधा मिळत होती. तसेच ग्राहकांना जिओ सिनेमा, जिओ क्लाउड, जिओ टीव्हीचं मोफत सब्सक्रिप्शन देखील दिलं जात होतं. परंतु आता हा प्लॅन कंपीनीच्या वेबसाइटसह माय जिओवरून देखील हटवण्यात आला आहे.

वाचा: अरे वाह! Google तुम्हाला वाचवणार हॅकर्सपासून; Dark Web Report म्हणजे काय? जाणून घ्या

नवीन स्वस्त प्लॅन कोणता?

जिओचा के ११९ रुपयांचा प्लॅन बंद झाल्यावर १४९ रुपयांमध्ये येणारा जिओ प्लॅन सर्वात स्वस्त रिचार्ज प्लॅन झाला आहे. ह्या प्लॅनची वैधता २० दिवस आहे. परंतु हा प्लॅन रोज १जीबी डेटा दिला जात आहे, म्हणजे एकूण २० जीबी डेटा ग्राहकांना दिला जाईल. तसेच ह्या प्लॅनमध्ये अनलिमिटेड कॉलिंगची सुविधा मिळते. त्याचबरोबर र्जो १०० एसएमएस मोफत दिले जात आहेत. तसेच जिओ सिनेमा, जिओ क्लाउड, जिओ टीव्हीचं मोफत सब्सक्रिप्शन देण्यात येईल.

वाचा: मेटानं आणली भन्नाट AI टेक्नोलॉजी, १०० हून अधिक भाषांमध्ये भाषांतर शक्य

नोट: जिओच्या १४९ रुपयांच्या प्लॅनमध्ये तुम्हाला फ्री मध्ये अनिलिमिटेड ५जी डेटाचा वापर करता येणार नाही. त्यासाठी जिओचा २४९ रुपये किंवा त्यापेक्षा जास्तीच्या रिचार्ज प्लॅननं रिचार्ज करावा लागेल.

Source link