आयडॉलच्या प्रवेशांना पुन्हा एकदा मुदतवाढ; ३१ ऑगस्टपर्यंत विद्यार्थ्यांना सादर करता येणार ऑनलाइन अर्ज

एमए मानसशास्त्र, पत्रकारिता व जनसंपर्क अभ्यासक्रमाचे प्रवेश सुरु

यूजीसीने २०२३-२४ या शैक्षणिक वर्षात आयडॉलच्या एमए मानसशास्त्र , एमए पत्रकारिता व एमए जनसंपर्क या तीन नव्या अभ्यासक्रमाला मान्यता दिली आहे. या तिन्ही अभ्यासक्रमाचेही प्रवेश सुरू आहेत.

पदवीस्तरावरील बीए, बीकॉम, बीकॉम अकाउंट्स अँन्ड फायनान्स, बीएस्सी आयटी,बीएस्सी कॉम्प्युटर सायन्स हे अभ्यासक्रम व पदव्युत्तर स्तरावरील एमए (इतिहास, अर्थशास्त्र, समाजशास्त्र, राज्यशास्त्र, भूगोल, मराठी,हिंदी, इंग्रजी), एमए शिक्षणशास्त्र, एमकॉम, एमएस्सी गणित, एमएस्सी आयटी, एमएस्सी कॉम्पुटर सायन्स व पदव्युत्तर पदविका पीजी डीएफएम या अभ्यासक्रमाचे प्रवेश सुरू असून प्रवेश अर्ज भरण्याची शेवटची तारीख ३१ ऑगस्ट २०२३ पर्यंत आहे. हे प्रवेश ऑनलाईन असून, विद्यार्थ्यांनी विद्यापीठाच्या संकेतस्थळाला भेट द्यावी.

(वाचा : Career Opportunities As Archaeologist: आर्किऑलॉजिस्ट म्हणून करिअर घडवायचंय…? कोणता करायचा कोर्स? कुठे मिळते नोकरी?)

विभागीय उपकेंद्रावर मार्गदर्शन व अध्ययन साहित्य वितरण

आयडॉलचे चर्चगेट, ठाणे, कल्याण, रत्नागिरी व सावंतवाडी येथे विभागीय केंद्रे असून याठिकाणी प्रवेशासंबंधी मार्गदर्शन व अध्ययन साहित्याचे वितरण होणार आहे.पालघर येथेही लवकरच विभागीय केंद्र सुरू होणार आहे.

अभ्यासक्रम निहाय आजपर्यंत प्रथम वर्षात प्रवेश घेतलेल्या विद्यार्थ्यांची संख्या

१. प्रथम वर्ष बीए : ३३२९
२. प्रथम वर्ष बी. कॉम : ४३१०
३. प्रथम वर्ष बीकॉम अकाउंट्स अँन्ड
फायनान्स : २५७
४. प्रथम वर्ष बीएस्सी आयटी व
कॉम्प्युटर सायन्स : ४४३
५. प्रथम वर्ष एमए : २०८३
६. प्रथम वर्ष एमकॉम : ३११२
७. प्रथम वर्ष एमएस्सी : ५१३

मुंबई विद्यापीठाच्या आयडॉलमधील विविध अभ्यासक्रमासाठी प्रवेश घेण्यासाठी येथे क्लिक करा.

(वाचा : Mass Communication अभ्यासक्रमाच्या विद्यार्थ्यांना जलशक्ती मंत्रालयाकडून तीन महिन्यांच्या इंटर्नशिपची संधी)