Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
TECNO CAMON 20 Avocado Art Edition कंपनीनं लाँच केला आहे. हा फोन सीरिजमधील टेक्नो कॅमोन २० सारखाच आहे. फक्त ह्या स्मार्टफोनमध्ये आकर्षक आर्टिस्टिक डिजाईन असलेला बॅक पॅनल देण्यात आला आहे. स्पेसिफिकेशन्समध्ये कोणताही बदल करण्यात आलेला नाही. चला जाणून घेऊया ह्याची किंमत, स्पेसिफिकेशन्स आणि फीचर्स.
टेक्नो कॅमोन २० अवकाडो आर्ट एडिशनची किंमत
टेक्नो कॅमोन २० अवकाडो आर्ट एडिशनची किंमत फक्त १५,९९९ रुपये ठेवण्यात आली आहे. मोबाइलची विक्री सेल ई-कॉमर्स प्लॅटफॉर्म अ‍ॅमेझॉन आणि भारतातील प्रमुख रिटेल आउटलेट्सवरून सुरु करण्यात आली आहे. फोनमध्ये ८जीबी रॅमसह २५६जीबी स्टोरेज मिळते.
Tecno Camon 20 Avocado Art Edition चे स्पेसिफिकेशन
नव्या टेक्नो कॅमोन २० अवकाडो आर्ट एडिशनमध्ये प्रीमियम लेदर फिनिश आणि बॅक पॅनलवर ग्रीन कलर, यूनिक टेक्सचर आणि आर्टिस्टिक डिजाइन मिळते. फोनच्या मागे कॅमेऱ्यासाठी कोण गोलाकार कटआऊट मिळतात ज्यांच्या बाजूला एलईडी फ्लॅश आहे. तर फ्रंटला पंच होल डिस्प्ले आहे आणि उजवीकडे पावर व वॉल्यूम बटन आहे.
वाचा: सिंगल चार्जमध्ये ७ दिवसांचा बॅकअप; फक्त १९९९ रुपयांमध्ये Ambrane चं नवीन स्मार्टवॉच लाँच
फोनमध्ये ६.६७-इंचाचा फुल एचडी+ अ‍ॅमोलेड डिस्प्ले देण्यात आला आहे. जो १०८० x २४०० पिक्सल रेजोल्यूशन आणि १२०हर्ट्झ रिफ्रेशला सपोर्ट करतो. सिक्योरिटीसाठी कंपनीनं इन-डिस्प्ले फिंगरप्रिंट सेन्सरचा वापर केला आहे.
टेक्नो कॅमोन २० अवकाडो आर्ट एडिशन ऑक्टा कोर मीडियाटेक हीलियो जी८५ प्रोसेसर आणि माली-जी५२ २ईईएमसी२ जीपीयूसह येतो. जोडीला ८ जीबी रॅम व २५६ जीबी इंटरनल स्टोरेज मिळते. तर ८ जीबी व्हर्च्युअल रॅमच्या मदतीनं एकूण १६जीबी रॅमची ताकद मिळवता येते. हा फोन अँड्रॉइड १३ आधारित HiOS 13 वर चालतो.
स्मार्टफोनमध्ये ड्युअल रियर कॅमेरा सेटप आहे. ज्यात क्वॉड एलईडी फ्लॅशसह ६४ मेगापिक्सलचा प्रायमरी कॅमेरा आणि २ मेगापिक्सलचा डेप्थ सेन्सर मिळतो. तर सेल्फी आणि व्हिडीओ कॉलिंगसाठी ३२ मेगापिक्सलचा फ्रंट कॅमेरा देण्यात आला आहे.
वाचा: Mukesh Ambani यांची मोठी घोषणा; Jio जगाला दाखवणार 6G ची ताकद, जाणून घ्या कधी होणार लाँच
पावर बॅकअपसाठी ५०००एमएएचची मोठी बॅटरी देण्यात आली आहे जी ३३W फास्ट चार्जिंगला सपोर्ट करते. तसेच ड्युअल-सिम ४जी, वाय-फाय ८०२.११, ब्लूटूथ वी५/२, जीपीएस, एनएफसी, ३.५ मिमी ऑडियो जॅक, स्टीरियो स्पिकर, एफएम रेडियो, यूएसबी टाइप-सी पोर्ट सारखे फीचर्सही मिळतात.