Tej Police Times
Google आपल्या फोन सीरीज पिक्सलमध्ये नवीन लाइनअप घेऊन येत आहे. ज्यात Pixel 8 आणि Pixel 8 Pro चा समावेश केला जाऊ शकतो. कंपनीनं ह्या फोन्स बाबत कोणतीही अधिकृत घोषणा केली नाही. पंरतु आता लाँच पूर्वीच पिक्सल ८ प्रो स्मार्टफोन कंपनी वेबसाइटवर चुकून दिसला आहे. त्यामुळे फोनच्या कलर आणि लुकची माहिती समोर आली आहे.
असा दिसू शकतो Google Pixel 8 Pro
असा दिसू शकतो Google Pixel 8 Pro
Google नं चुकून आपल्या गुगल स्टोर वेबसाइटवर ‘गुगल सब्सक्रिप्शन आणि सर्व्हिस’ च्या प्रोमो पेजवर Pixel 8 Pro ची इमेज शेयर केली होती. जी सर्वप्रथम मिशाल रहमान आणि अँड्रॉइड सेटिंगनं सोशल सोशल मीडिया प्लॅटफॉर्म एक्सवर शेयर केली आहे. पंरतु नंतर कंपनीनं इमेज काढून टाकली.
वाचा: तुम्ही WhatsApp स्टेटस पाहिलं हे कोणालाच कळणार नाही, ट्राय करा ह्या ३ ट्रिक्स
इमेजमध्ये डिवाइस पोर्सिलीन कलर व्हेरिएंटमध्ये दिसला आहे. हा फोन एका व्यक्तीच्या हातात आहे, नीट पाहिल्यास फोनमध्ये एक मोठा पिल शेप कॅमेरा माड्यूल मिळेल हे दिसत आहे. असा कॅमेरा मॉड्युल कंपनीच्या जुन्या फोन्स मध्ये मिळत नाही म्हणून हा पिक्सल ८ प्रो असल्याचा अंदाज लावला जात आहे. ह्याआधी आलेल्या लीकमध्ये देखील ही डिजाइन दिसली होती. कॅमेरा माड्यूलसह एलईडी फ्लॅश आणि एक सेन्सर देखील आहे. तसेच इमेजमध्ये त्या व्यक्तीच्या हातात पिक्सल वॉच २ असल्याची चर्चा आहे.
कधी येणार Google Pixel 8 लाँच
पिक्सल ८ सीरीज चे Pixel 8 आणि Pixel 8 Pro डिवाइस ऑक्टोबरमध्ये लाँच होऊ शकतात. कारण कंपनी दरवर्षी ह्या कालावधीत फ्लॅगशिप फोन सादर करत असते. आता फक्त कंपनीच्या अधिकृत घोषणेची वाट पाहिली जात आहे.
Google Pixel 8 Pro चे संभाव्य स्पेसिफिकेशन्स
Pixel 8 Pro मध्ये ६.७-इंचाचा QHD+ LTPO OLED डिस्प्ले दिला जाऊ शकतो. ज्यात १२० हर्ट्झ रिफ्रेश रेट मिळू शकतो. नव्या फोनमध्ये गुगल टेंसर जी३ चिपसेट आणि टाइटन सुरक्षा चिप दिली जाऊ शकते. हा फोन अँड्रॉइड १४ ओएसवर चालू शकतो.
वाचा: नेटवर्कविना देखील करता येईल कॉल; सॅटेलाइट कॉलिंगसह Huawei Mate 60 Pro ची एंट्री
Pixel 8 Pro मध्ये OIS सह ५० मेगापिक्सलचा प्रायमरी कॅमेरा, ६४ मेगापिक्सलचा अल्ट्रावाइड कॅमेरा आणि ४८ मेगापिक्सलची टेलीफोटो लेन्स वापरला जाऊ शकते. तसेच सेल्फीसाठी ११ मेगापिक्सलचा कॅमेरा मिळू शकतो. फोनमध्ये २७ वॉट फास्ट चार्जिंग सपोर्टसह ४,९५० एमएचची बॅटरी दिली जाऊ शकते.