Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
चायनीज मोबाइल निर्माता कंपनीनं विवोनं ग्राहकांना सरप्राइज गिफ्ट दिलं आहे. कंपनीनं आपल्या लोकप्रिय वाय सीरिजच्या दोन स्मार्टफोन्सच्या किंमतीत कपात केली आहे. ह्यात Vivo Y36 आणि Vivo Y02t स्मार्टफोन्सचा समावेश आहे. फक्त कपात केली नाही तर बँक ऑफरच्या माध्यमातून १,००० रुपयांचा कॅशबॅक देखील मिळत आहे.
Vivo Y36 ची नवीन किंमत
Vivo Y36 स्मार्टफोनचा ८जीबी रॅम व १२८जीबी स्टोरेज मॉडेलची किंमत १००० रुपयांची कमी केली आहे. त्यामुळे हा फोन आता १५,९९९ रुपयांमध्ये उपलब्ध होईल, जो १६,९९९ रुपयांमध्ये लाँच झाला होता. तसेच काही निवडक बँकाच्या कार्डनं खरेदी केल्यास १,००० रुपयांचा कॅशबॅक दिला जात आहे. त्यामुळे हा फोन १४,९९९ रुपयांमध्ये विकत घेता येईल.
वाचा: ५० मेगापिक्सल कॅमेरा, स्टायलिश लेदर बॅकसह मोटोरोलाचा बजेट स्मार्टफोन Moto G84 भारतात लाँच
Vivo Y02t ची नवीन किंमत
Vivo Y02t ची आधीची किंमत ९,९९९ रुपये होती, ज्यात ५०० रुपयांची कपात केली आहे. त्यामुळे हा फोन फक्त ९,४९९ रुपयांमध्ये विकत घेता येईल. फोनमध्ये ४जीबी रॅम व ६४जीबी स्टोरेज देण्यात आली आहे. दोन्ही फोन फ्लिपकार्ट, विवो इंडिया ई-स्टोर आणि रिटेल स्टोर्सवरून विकत घेता येतील.
Vivo Y36 चे स्पेसिफिकेशन्स
विवो वाय३६ स्मार्टफोनमध्ये ६.६४ इंचाचा फुलएचडी+ डिस्प्ले मिळतो. जो २३८८ × १०८० पिक्सल रिजॉल्यूशन, ९०हर्ट्झ रिफ्रेश रेट आणि २४०हर्ट्झ टच सॅम्पलिंग रेटला सपोर्ट करतो. ह्यात क्वॉलकॉम स्नॅपड्रॅगन ६८० ऑक्टाकोर प्रोसेसरची ताकद देण्यात आली आहे. जोडीला ८जीबी रॅम आणि ८जीबी एक्सटेंडेड रॅम सपोर्टसह १२८जीबी इंटरनल स्टोरेज मिळते. हा स्मार्टफोन अँड्रॉइड १३ आधारित फनटच ओएस १३ वर चालतो.
फोटोग्राफीसाठी विवो वाय३६ मध्ये ड्युअल रियर कॅमेरा आहे. ज्यात ५० मेगापिक्सलच्या प्रायमरी सेन्सरसह २ मेगापिक्सलची बोकेह लेन्स मिळते. सेल्फी आणि व्हिडीओ कॉलिंगसाठी १६ मेगापिक्सलचा फ्रंट कॅमेरा आहे. फोनमध्ये ५,०००एमएएचची बॅटरी आणि ४४वॉट फास्ट चार्जिंग टेक्नॉलॉजी देण्यात आली आहे.
Vivo Y02t चे स्पेसिफिकेशन्स
Vivo Y02t स्मार्टफोनमध्ये १६०० × ७२० पिक्सल रिजॉल्यूशनसह ६.५१ इंचाचा एचडी+ डिस्प्ले देण्यात आला आहे. हा फोन मीडियाटेक हीलियो पी३५ ऑक्टाकोर प्रोसेसरसह बाजारात आला आहे. जोडीला ४जीबी रॅमसह ६४जीबी इंटरनल स्टोरेज मिळते. तसेच फोन ४जीबी वचुर्अल रॅमला सपोर्ट करतो.
वाचा: फोन लाँच झाला नाही तरीही जाहिरात झळकली; बजेटमध्ये १२जीबी रॅम देणाऱ्या मोबाइलची किंमत समजली
हा स्मार्टफोन अँड्रॉइड १३ आधारित फनटच ओएस १३ वर चालतो. Vivo Y02T स्मार्टफोनमध्ये एलईडी फ्लॅशसह ८ मेगापिक्सलचा रियर कॅमेरा मिळतो. तर सेल्फीसाठी ५ मेगापिक्सलची लेन्स देण्यात आली आहे. पावर बॅकअपसाठी ५,०००एमएएचची बॅटरी आणि १०वॉट फास्ट चार्जिंग टेक्नॉलॉजी मिळते.