iPhone 15 मध्ये नवीन काय? ‘हे’ आहेत ५ महत्त्वाचे अपडेट्स

By tejpolicetimes On Sep 13, 2023

नवी दिल्ली : iPhone 15 फायनली लाँच झाला असून अॅपलचा मेगा इव्हेंट बुधवारी रात्री १०.३० वाजता पार पडला. या इव्हेंटमध्ये iPhone 15 लाँच झाला. ज्यानंतर फायनली iPhone 15 मध्ये कोणते बदल असतील हे फायनली समोर आलं. यंदाचा Apple इव्हेंट अनेक अर्थाने खास होता, कारण यावेळी iPhone 15 सीरीजमध्ये अनेक मोठे बदल पाहायला मिळाले. यातील ५ महत्त्वाच्या बदलांवर नजर फिरवूया..

अॅक्शन बटन
यंदा आयफोन १५ पेक्षा आयफोन १५ प्रोमध्ये अनेक बदल झाले. ज्यातील एक महत्त्वाचा बदल म्हणजे अॅक्शन बटण. जिथे सायलेंट स्लायडर असतो तिथे हे अॅक्शन बटण दिलं असून हे विविध उद्देशांसाठी वापरले जाऊ शकते. iPhone 15 Pro आणि 15 Pro Max मॉडेल्समध्ये हे अॅक्शन बटण दिले असून याचा वापर व्हॉइस मेमो, ट्रान्सलेट, कॅमेरा, फ्लॅशलाइट, सायलेंट मोड, शॉर्टकट, कॅमेरा फोकस हे सारं नियंत्रित करण्यासाठी होईल.

सी टाईप चार्जिंग
आयफोन 15 मालिकेत टाइप सी चार्जिंग पोर्ट आणि केबल प्रदान केले गेले आहे. त्यामुळे आता सर्वप्रकारच्या चार्जरने चार्ज पोर्ट करता येणार आहे. तसंच जलद डेटा ट्रान्सफर होणार आहे. तसेच, फास्ट चार्जिंग सपोर्ट उपलब्ध होईल. Apple iPhone 15 सीरीजच्या सर्व मॉडेल्समध्ये Type-C चार्जिंग पोर्ट प्रदान केले गेले आहे.

मोठा कॅमेरा सेन्सर
iPhone 15 सीरीज मॉडेल iPhone 15 आणि iPhone 15 Plus मध्ये 48MP कॅमेरा सेंसर दिला आहे. यापूर्वी, 12MP चा कमाल कॅमेरा सेन्सर देण्यात आला होता.

टायटॅनियम बिल्ड
आयफोन 15 सीरिजमध्ये प्रो आणि प्रो मॅक्स मॉडेल खास अशा टायटॅनियम मटेरियलने बिल्ड केले गेले आहेत. यामुळे आयफोन अधिक प्रीमियम वाटत असून ड्युरेबलिटीही वाढली आहे.

प्रोसेसर आणि ओएस
iPhone 15 मालिकेत 3nm आधारित Apple A Bionic 17 चिपसेटने सुसज्ज आहे. तर iOS 17 सपोर्टेड सॉफ्टवेअर अपडेट म्हणून प्रदान केले गेले आहे.

वाचा : Apple चं शक्तिप्रदर्शन! मजबूत टायटेनियम फ्रेमसह iPhone 15 Pro आणि iPhone 15 Max लाँच

Source link