Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
Blaupunkt नं भारतात ४३ इंच आणि ५५ इंचाचे QLED टीव्ही लाँच केले आहेत. ह्या दोन्ही स्मार्ट टीव्हीमध्ये गुगल असिस्टंट आणि गुगल क्रोमकास्टचा सपोर्ट देण्यात आला आहे. दोन्ही टीव्ही Google TV ऑपरेटिंग सिस्टमवर चालतात. तसेच नवीन स्मार्ट टीव्हीमध्ये दमदार साउंडसाठी Dolby Atmos सह DTS TruSurround चा सपोर्ट देण्यात आला आहे.
Blaupunkt चा ४३ इंचाचा QLED टीव्ही
Blaupunkt नं ह्या स्मार्ट टीव्हीमध्ये ४३ इंचाचा QLED टीव्ही दिला आहे. ह्याची स्क्रीन HDR10+ आणि Dolby Vision ला सपोर्ट करते. शानदार साउंडसाठी टीव्हीमध्ये Dolby Atmos आणि Dolby Digital Plus ची सुविधा देण्यात आली आहे. तसेच टीव्हीमध्ये गुगल टीव्हीसह गुगल असिस्टंट देखील मिळतो.
हे देखील वाचा: OnePlus च्या सर्वात स्वस्त टॅबलेटमध्ये असेल ८०००एमएएचची बॅटरी; प्रोसेसरचा देखील झाला खुलासा
ह्या स्मार्ट टीव्हीमध्ये इन-बिल्ट क्रोमकास्ट देण्यात आलं आहे, ज्याच्या मदतीनं तुम्ही १ हजार पेक्षा जास्त अ‍ॅप्स टीव्हीवर वापरू शकता. ह्यात ५० वॉटचे स्पिकर आणि अनेक साउंड मोड्स देण्यात आले आहेत. कनेक्टिव्हिटीसाठी स्मार्ट टीव्हीमध्ये ब्लूटूथ ५.०, एचडीएमआय पोर्ट आणि ड्युअल-बँड वाय-फाय सारखे फीचर मिळतात.
Blaupunkt चा ५५ इंचाचा QLED टीव्ही
ह्या मोठ्या स्क्रीन असलेल्या स्मार्ट टीव्ही पैकी एक आहे. ह्याची स्क्रीन साइज ५५ इंच आहे आणि ह्यात HDR10+ चा सपोर्ट मिळतो. ह्याची डिजाइन बेजल लेस आहे, सोबत एक अलॉय स्टॅन्ड मिळतो. टीव्हीमध्ये ६० वॉटच्या स्टीरियो बॉक्स स्पिकरसह Dolby Digital Plus आणि DTS TruSurround टेक्नॉलॉजीचा सपोर्ट देण्यात आला आहे, त्यामुळे चांगली साउंड क्वॉलिटी मिळते.
हा स्मार्ट टीव्ही गुगल टीव्हीवर चालतो. ह्यात Google Assistant आणि इन-बिल्ट Google Chromecast देण्यात आलं आहे. तसेच, स्मार्ट टीव्हीमध्ये HDMI पोर्ट्स, दोन यूएसबी पोर्ट्स, वाय-फाय आणि ब्लूटूथ ५.० सारखे फीचर देण्यात आले आहेत. ह्यात २जीबी रॅम, १६जीबी स्टोरेज आणि एमटी९०६२ प्रोसेसर मिळतो.
हे देखील वाचा: कर्ज काढून लाख रुपयांचा iPhone 15 Pro घेण्यापूर्वी ही बातमी वाचा; ग्राहकांना होत आहे पश्चाताप
किती आहे किंमत
Blaupunkt च्या ४३ इंचाच्या (४३क्यूडी७०५०) असलेल्या क्यूएलईडी टीव्हीची किंमत २८,९९९ रुपये आहे. कंपनीचा ५५ इंचाचा (५५सीएसजीटी७०२३) असलेला स्मार्ट टीव्ही ३४,९९९ रुपयांमध्ये विकला जात आहे. ह्या दोन्हीवर १० टक्के बँक डिस्काउंट दिला जात आहे. हे दोन्ही टीव्ही शॉपिंग प्लॅटफॉर्म Flipkart वरून विकत घेता येतील.