मोटोरोलाचा स्वस्त आणि मस्त फोन आला नव्या रंगात, किंमत आहे फक्त ६,७४९ रुपये

Moto E13 किंमत आणि नवीन कलर ऑप्शन

मोटरोला कंपनीनं आपल्या स्वस्त स्मार्टफोन Moto E13 नवीन कलर स्काय ब्लू ऑप्शनमध्ये पुन्हा एकदा बाजारात आणला आहे. ज्यात ८जीबी रॅम व १२८जीबी स्टोरेज मिळते. डिवाइसची किंमत ८,९९९ रुपये आहे ज्यावर अ‍ॅक्सिस, आयसीआयसीआय आणि कोटक बँकच्या मदतीनं १० टक्के इंस्टंट डिस्काउंट मिळत आहे. तसेच डिवाइसची फेस्टिव्ह सिजनमधील किंमत फक्त ६,७४९ रुपये आहे. फोनची विक्री आजपासून सुरु करण्यात आली आहे जो तुम्ही फ्लिपकार्टच्या मदतीनं विकत घेऊ शकता.

हे देखील वाचा: १०० वॉटची जबरदस्त फास्ट चार्जिंगसह येऊ शकतो OnePlus Ace 3; लाँचपूर्वीच लीक झाले फीचर्स

Motorola E13 चे स्पेसिफिकेशन्स

मोटोरोला ई१३ मध्ये युजर्सना ६.५ इंचाचा एचडी+ डिस्प्ले देण्यात आला आहे. जो २०:९ अ‍ॅस्पेक्ट रेश्यो, ७२० x १६०० पिक्सल रिजॉल्यूशन आणि ६० हर्ट्झ रिफ्रेश रेटला सपोर्ट करतो. मोटो ई१३ चे डायमेंशन १६४.१९ x ७४.९५ x ८.४७एमएम आणि वजन १७९.५ ग्राम आहे.

हा डिवाइस २गीगाहर्ट्झ क्लॉक स्पीड असलेल्या ऑक्टाकोर Unisoc T606 प्रोसेसरवर चालतो. ह्यात ग्राफिक्ससाठी माली-जी५७ एमसी२ जीपीयू देण्यात आला आहे. स्मार्टफोनमध्ये ८जीबी रॅम व १२८जीबी पर्यंत इंटरनल स्टोरेज मिळते. स्टोरेज वाढवण्यासाठी मायक्रो एसडी कार्ड स्लॉट मिळतो. ज्याच्या मदतीनं १टीबी पर्यंत स्टोरेज वाढवता येईल.

हे देखील वाचा: १०० रुपयांच्या आत Airtel चा नवा प्लॅन, युजर्सना डेटासह मिळणार मोफत म्यूजिकचा अ‍ॅक्सेस

फोटोग्राफीसाठी मोटोरोला ई१३ फोनच्या बॅक पॅनलवर १३ मेगापिक्सलचा प्रायमरी कॅमेरा देण्यात आला आहे. सेल्फी आणि व्हिडीओ कॉलिंगसाठी ५ मेगापिक्सलचा फ्रंट कॅमेरा मिळतो. डिवाइसमध्ये पावर बॅकअपसाठी ५,०००एमएएचची बॅटरी देण्यात आली आहे, जी १०वॉट फास्ट चार्जिंगला सपोर्ट करते. मोबाइलमध्ये ड्युअल सिम ४जी, वायफाय, ब्लूटूथ, आयपी५२ रेटिंग सारखे अनेक फीचर्स मिळतात.