घराबाहेर करू नका पासवर्ड शेयर; Netflix नंतर Disney नं देखील घातली बंदी

हे देखील वाचा: ६४ मेगापिक्सलचा कॅमेरा आणि ८जीबी रॅम; Vivo Y200 स्मार्टफोनचे फीचर्स लाँचपूर्वीच लीक

१ नोव्हेंबरपासून कॅनडामध्ये युजर्स आपला पासवर्ड घराबाहेर शेयर करू शकणार नाहीत. ह्याची माहिती Disney+ नं आपल्या ग्राहकांना ईमेलच्या माध्यमातून दिली आहे. एका रिपोर्टनुसार, ईमेल मध्ये लिहिण्यात आलं आहे, “आम्ही तुमचं अकाऊंट शेयर करण्यावर किंवा घराबाहेर लॉगइन क्रेडेंशियल्स शेयर करण्यावर बंदी घालत आहोत.” तसेच, कंपनीच्या अपडेटेड हेल्प सेंटर मध्ये असं देखी लिहिण्यात आलं आहे, “तुम्ही तुमची मेंबरशिप तुमच्या घराबाहेर शेयर करू शकत नाही.”

युजर्सनी नियम न पाळल्यास काय होईल

युजर्सचं अकाऊंट लिमिट केलं जात आहे. कंपनीनं म्हटलं आहे की यासाठी अकाऊंटचं अ‍ॅनालिसिस केलं जाईल. जर कंपनीला समजलं की युजर ह्या नियमांचं पालन करत नाही तर त्याच अकाऊंट टर्मिनेट केलं जाईल.

भारतात देखील येणार का हा नियम?

सध्या हा नियम कॅनडामध्ये लागू करण्यात आला आहे. तसेच भारतात हा नियम लागू करण्याबाबत कोणतीही माहिती मिळाली नाही. परंतु Disney लवकरच इतर देशांमध्ये देखील पासवर्ड शेयरिंग बंद करणार असल्याची चर्चा आहे.

हे देखील वाचा: गुगलच्या सर्वात शक्तिशाली फोन्सची किंमत लीक; पाहा Pixel 8 आणि Pixel 8 Pro बसतात का तुमच्या बजेटमध्ये

क्रिकेट केलं मोफत

आगामी वन डे वर्ल्ड कप २०२३ चे सर्व सामने भारतात मोफत स्ट्रीम करता येतील अशी घोषणा डिज्नी प्लस हॉटस्टारनं काही दिवसांपूर्वी केली होती. हे सामने मोबाइल अ‍ॅप वरून मोफत पाहता येतील आणि ह्यासाठी कोणत्याही सब्सस्क्रिप्शनची आवश्यकता असणार नाही. कंपनीनं हा निर्णय कमी होणाऱ्या युजर्समुळे घेतला असावा, अशी चर्चा आहे.