‘स्वच्छता हीच सेवा’ उपक्रमात मुंबई विद्यापीठाचा सहभाग; ३०० हून अधिक महाविद्यालयांचा उत्स्फुर्त श्रमदानात हातभार

(वाचा : Mumbai University Exams: तयारीला लागा… ; मुंबई विद्यापीठाच्या हिवाळी सत्राच्या ४३९ परीक्षेच्या तारखा जाहीर)

‘स्वच्छता हीच सेवा’ अभियाना अंतर्गत कलिना संकुलातील विविध परिसराची स्वच्छता करण्यासाठी सुमारे ४५० हून अधिक विद्यार्थ्यांसह, विविध प्राधिकरणातील सदस्य, शिक्षक, शिक्षकेत्तर कर्मचारी सहभागी झाले होते.

(वाचा : Mumbai University: मुंबई विद्यापीठात महाराष्ट्र-युनायटेड किंगडम उच्च शिक्षण परिषदेचे आयोजन)

गरवारे व्यवसाय व प्रशिक्षण संस्थेचे संचालक डॉ. केयुर कुमार नाईक यांनी दादर येथील समुद्र चौपाटी स्वच्छतेसाठी सहभाग घेतला. त्याचबरोबर जमनालाल बजाज व्यवस्थापन संस्था, स्पोर्ट्स काँप्लेक्स, फोर्ट संकुल, विविध वसतिगृहे, ठाणे, कल्याण, रत्नागिरी, सिंधुदुर्ग, अंबाडवे आणि तळेरे येथील दोन्ही घटक महाविद्यालये आणि ३०० हून अधिक संलग्नित महाविद्यालयांनी ‘स्वच्छता हीच सेवा’ या राष्ट्रव्यापी अभियानात उत्स्फुर्त सहभाग घेऊन स्वच्छतेसाठी श्रमदान केले. मुंबई विद्यापीठाच्या राष्ट्रीय सेवा योजना कक्षामार्फत या मोहिमेच्या यशस्वीतेसाठी विशेष नियोजन करण्यात आले होते.

(वाचा : डॉ आंबेडकर यांना वकिलीची सनद प्राप्त होण्यास १०० वर्षे झाल्यानिमित्त चर्चासत्राचे आयोजन; विद्यापीठात पार पडला ऐतिहासिक सोहळा)