Tej Police Times
ओप्पोनं ऑगस्टमध्ये आपला फोल्डेबल स्मार्टफोन OPPO Find N3 Flip लाँच केला होता. हा मोबाइल चीनमध्ये आला होता जो आता भारतीय बाजारात येत आहे. कंपनीनं माहिती दिली आहे की ओप्पो फाइंड एन३ फ्लिप १२ ऑक्टोबरला भारतात लाँच केला जाईल. चला पाहूया ह्या फोनच्या लुक, डिजाइन आणि स्पेसिफिकेशन्सची माहिती.
OPPO Find N3 Flip भारतीय लाँच
ओप्पो फाइंड एन३ फ्लिप फोन १२ ऑक्टोबरला भारतीय बाजारात सादर केला जाईल. १२ तारखेला संध्याकाळी ७ वाजता ह्या फोनचा लाँच इव्हेंट सुरु होईल जो कंपनीच्या आनलाइन प्लॅटफॉर्मवर लाइव्ह प्रसारित केला जाईल. OPPO Find N3 Flip इंडिया लाँच इव्हेंट कंपनीच्या सर्व सोशल मीडिया प्लॅटफॉर्मसह ओप्पो इंडिया वेबसाइट तसेच ब्रँडच्या युट्युब चॅनेलवर देखील लाइव्ह बघता येईल.
हे देखील वाचा: OnePlus चा सर्वात स्वस्त टॅबलेट भारतात लाँच; कमी किंमतीत मोठा डिस्प्ले आणि ८०००एमएएचची बॅटरी
OPPO Find N3 Flip ची डिजाइन
फोनमध्ये दोन डिस्प्ले आहेत ज्यातील बाहेरच्या स्क्रीनला सेकंडरी डिस्प्ले किंवा Cover Display म्हणतात, जो आयताकृती आहे. कव्हर डिस्प्ले बॅक पॅनलवर अर्ध्या भागात आहे. ह्या डिस्प्लेच्या बाजूला तीन सेन्सर असलेला रियर कॅमेरा सेटअप आहे. फोनच्या बॅक पॅनलवर ३डी कर्व डिजाइन आहे. फोनच्या उजवीकडे वॉल्यूम रॉकर आणि पावर बटन आहे तर डावीकडे शार्टकट बटन देखल आहे. खाली यूएसबी पोर्ट, स्पिकर तसेच सिम ट्रे मिळतो. हा मोबाइल Moonlight Muse, Mist Rose आणि Mirror Night कलरमध्ये लाँच झाला आहे.
OPPO Find N3 Flip चे स्पेसिफिकेशन्स
ओप्पो फाइंड एन३ फ्लिप मध्ये ६.८० इंचाचा फुलएचडी+ अॅमोलेड डिस्प्ले देण्यात आला आहे जो १२०हर्ट्झ रिफ्रेश रेटला सपोर्ट करतो, हा मुख्य डिस्प्ले आहे. तर मागच्या बाजूला ३.३६ इंचाचा अॅमोलेड कव्हर डिस्प्ले आहे. हा ओप्पो मोबाइल अँड्रॉइड १३ आधारित कलरओएस १३ वर लाँच झाला आहे ज्यात प्रोसेसिंगसाठी मीडियाटेक डायमेंसीटी ९२०० ऑक्टाकोर प्रोसेसर आहे. ग्राफिक्ससाठी माली-जी७१५ जीपीयू मिळतो.
फोटोग्राफीसाठी हा फोन ट्रिपल रियर कॅमेऱ्याला सपोर्ट करतो. बॅक पॅनलवर ओआयएससह ५० मेगापिक्सलचा सेन्सर, ३२ मेगापिक्सलची टेलीफोटो लेन्स आणि ८ मेगापिक्सलची अल्ट्रा वाइड अँगल लेन्स आहे. तर फ्रंट पॅनलवर ३२ मेगापिक्सलचा सेल्फी कॅमेरा मिळतो.
हे देखील वाचा: फक्त १५९९ रुपयांमध्ये लाँच झालं Boult Sterling स्मार्टवॉच, अनेक कलर ऑप्शन्समध्ये उपलब्ध
पावर बॅकअपसाठी OPPO Find N3 Flip ४,३००एमएएचच्या बॅटरीला सपोर्ट करतो. त्याचबरोबर हा फोल्डेबल फोन ४४वॉट फास्ट चार्जिंग टेक्नॉलॉजीसह सादर करण्यात आला आहे. ओप्पो फाइंड एन३ फ्लिप फोनमध्ये सिक्योरिटीसाठी साइड माउंटेड फिंगरप्रिंट सेन्सर मिळतो. ह्या मोबाइल फोनमध्ये ५जी व ४जी सह एनएफसी सारखे फीचर्स मिळतात.