Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
Honor नं भन्नाट स्मार्टफोन चीनमध्ये सादर केला आहे. ज्याचं नाव Honor Play 50+ आहे. हा हँडसेट कमी किंमतीत देखील जबरदस्त फिचर देत आहे. ऑनर ब्रँडनं अलीकडेच भारतात पुनरागमन करत ऑनर ९० ५जी स्मार्टफोन लाँच केला होता, त्यामुळे नवीन ऑनर प्ले ५० प्लस देखील भारतीय बाजारात येईल अशी अपेक्षा आहे. चला पाहूया नव्या ऑनर प्ले 50+ चे संपूर्ण स्पेसिफिकेशन्स.
Honor Play 50+ ची किंमत
ऑनर प्ले ५० प्लस ५जी फोन चीनमध्ये दोन रॅम व्हेरिएंट्समध्ये लाँच करण्यात आला आहे. बेस मॉडेलमध्ये ८जीबी रॅम देण्यात आली आहे तसेच मोठा व्हेरिएंट १२जीबी रॅमला सपोर्ट करतो. ह्या दोन्ही व्हेरिएंट्समध्ये २५६जीबी इंटरनल स्टोरेज मिळते. वेबसाइटवर सध्या फक्त १२जीबी मॉडेलची किंमत सांगण्यात आली आहे जो १३९९ Yuan म्हणजे जवळपास १६,००० रुपये आहे. चीनमध्ये हा फोन Streaming silver, ink jade green, fantasy night black आणि star purple कलरमध्ये उपलब्ध होईल.
हे देखील वाचा: धडामकन पडली OnePlus Nord 3 5G ची किंमत; Amazon सेलमध्ये मिळतोय जबरदस्त डिस्काउंट
Honor Play 50+ चे स्पेसिफिकेशन्स
ऑनर प्ले 50+ ५जी फोन १०८० x २४०० पिक्सल रिजोल्यूशन असलेल्या ६.८ इंचाच्या फुलएचडी+ डिस्प्लेसह लाँच झाला आहे. हा पंच-होल डिजाईन असलेलं आयपीएस एलसीडी पॅनल ९०हर्ट्झ रिफ्रेश रेटला सपोर्ट करतो. या फोनचे डायमेंशन १६६.७ x ७६.५ x ८.२४एमएम आणि वजन १९९ ग्राम आहे.
हा स्मार्टफोन अँड्रॉइड १३ वर लाँच झाला आहे जो मॅजिक ओएस ७.२ चालतो. तसेच प्रोसेसिंगसाठी या स्मार्टफोनमध्ये मीडियाटेक डायमेन्सिटी ६०२० ऑक्टाकोर प्रोसेसर देण्यात आला आहे. सोबत १२ जीबी रॅमसह २५६जीबी स्टोरेज देण्यात आली आहे. फोटोग्राफीसाठी Honor Play 50+ ड्युअल रियर कॅमेऱ्याला सपोर्ट करतो. ह्याच्या बॅक पॅनलवर ५० मेगापिक्सलचा प्रायमरी सेन्सरसह २ मेगापिक्सल डेप्थ सेन्सर देण्यात आला आहे. तसेच सेल्फी आणि व्हिडीओ कॉलिंगसाठी हा फोन ८ मेगापिक्सल फ्रंट कॅमेऱ्याला सपोर्ट करतो.
हे देखील वाचा: सॅमसंग, वनप्लस आणि गुगल पिक्सल युजर्सच्या बँक अकाउंटला धोका, सरकारनं दिली वॉर्निंग
सिक्योरिटीसाठी फोन साइड माउंटेड फिंगरप्रिंट सेन्सर देण्यात आला आहे. कनेक्टिव्हिटीसाठी ३.५मिमी जॅक, यूएसबी-सी, वायफाय, ब्लूटूथ ५.१ आणि जीपीएस देण्यात आला आहे. पावर बॅकअपसाठी ऑनर प्ले ५० प्लस ५जी फोनमध्ये ६,०००एमएएचची बॅटरी देण्यात आली आहे. जी चार्ज करण्यासाठी ३५वॉट रॅपिड चार्जिंग टेक्नॉलॉजी देण्यात आली आहे.