नवी मुंबई महानगरपालिका, आरोग्य विभाग भरती; थेट मुलाखतीमधून होणार निवड

नवी मुंबई महानगरपालिका आरोग्य विभाग एकात्मिक आरोग्य व कुटुंब कल्याण सोसायटीमध्ये ही भरती होणार असून यासाठी उमेदवाराला दरमहा कमीत कमी ३०,००० पगार देण्यात येणार आहे. याभरती प्रक्रियेसाठी उमेदवाराचे शिक्षण मान्यताप्राप्त विद्यापीठाची एमबीबीएस पदवी तसेच महाराष्ट्र मेडिकल कौन्सिल ची नोंदणी असणे बंधनकारक आहे. यासोबतच, शासकीय/स्थानिक संस्था ट्रस्ट खाजगी यांच्या संबंधित क्षेत्रातील अनुभव देखील असणे गरजेचे आहे.

या भरती प्रक्रियेसाठी उमेदवाराचे वय जास्तीत-जास्त ७० वर्षापर्यंत असणे आवश्यक आहे, उमेदवार हा महाराष्ट्र राज्याचा रहिवासी असावा आणि त्याने सक्षम अधिकाऱ्याने दिलेले अधिवास प्रमाणपत्र सादर करणे देखील गरजेचे आहे. उमेदवारांनी पात्रता व अनुभवाच्या मूळ कागदपत्रांसह एक फोटो व आवश्यक मूळ कागदपत्रांच्या छायांकित सत्य प्रतीचा एक संच घेऊन थेट मुलाखतीसाठी हजर राहायचे आहे.

मूळ जाहिरात पाहाण्यासाठी येथे क्लिक करा.

महत्त्वाच्या सूचना :

• यापूर्वी सादर केलेले कोणतेही अर्ज विचारात घेतले जाणार नाहीत.
• कोणताही अर्ज पोस्टद्वारे स्वीकारले जाणार नाही.
• उमेदवाराने मुलाखतीच्या वेळी मूळ अंतिम वर्षाची गुणपत्रिका आणि पदवी प्रमाणपत्रासह इतर सर्व आवश्यक प्रमाणपत्रे व त्यांच्या स्व-साक्षांकीतप्रती आणि पासपोर्ट आकाराचे फोटोशा उपस्थित रहावे.
• उमेदवारांच्या थेट मुलाखती दिनांक ७ नोव्हेंबर २०२३ रोजी घेण्यात येईल. सकाळी १० ते १ या वेळेत उमेदवारांची नोंदणी आणि मूळ कागदपत्रे छाननी व तपासणी करण्यात येईल आणि दुपारी ३ ते ५ या वेळेत पात्र उमेदवारांच्या मुलाखती घेण्यात येतील.