योग प्रशिक्षकांसाठी सातारा जिल्हा परिषदेत मोठी भरती, जाणून घ्या नोकरीचे सर्व तपशील

By tejpolicetimes On Nov 17, 2023

Zilla Parishad Satara Yog Instructor recruitment 2023: तुम्ही योग क्षेत्रात शिक्षण घेतले असेल आणि योग प्रशिक्षक म्हणून जिल्हा परिषदेत काम करण्याची इच्छा असेल तर तुमच्यासाठी एक सुवर्णसंधी चालून आली आहे. जिल्हा परिषद सातारा यांच्या अंतर्गत राष्ट्रीय आरोग्य अभियान यांच्या द्वारे ‘योग प्रशिक्षक’ पदाच्या एकूण ७६ रिक्त जागा भरण्यात येणार आहेत. याबाबत सातारा जिल्हा परिषदेने नुकतीच अधिसूचना प्रसिद्ध केली आहे.

या नुसार इच्छुक आणि पात्र असणाऱ्या उमेदवारांकडून अर्ज मागवण्यात आले आहे. योग क्षेत्रात करिअर करू पाहणार्‍यांसाठी ही उत्तम संधी आहे. याकरिता अर्ज ऑफलाईन पद्धतीने करायचा असून ३० नोव्हेंबर ही अर्ज करण्याची शेवटची तारीख आहे. तेव्हा या भरती मधील पदे, पात्रता, वेतन आणि अर्ज प्रक्रिया याबाबतची सविस्तर माहिती जाणून घेऊया.

‘जिल्हा परिषद सातारा भरती २०२३’ मधील पदे आणि पदसंख्या:
योग प्रशिक्षक – ७६ जागा
एकूण रिक्त पदसंख्या – ७६ जागा

शैक्षणिक पात्रता: योग विषयात पदवी किंवा पदविका/ डिप्लोमा किंवा समकक्ष कोर्स उत्तीर्ण असणे आवश्यक आहे. पदवी आणि अनुभव असल्यास प्राधान्य दिले जाईल.

(वाचा: KKSU Nagpur Recruitment 2023: कविकुलगुरू कालिदास संस्कृत विद्यापीठात नोकरीची सुवर्णसंधी; पगारही आहे भरपूर)

मानधन: प्रती सत्र ५०० रुपये

नोकरी ठिकाण: सातारा

अर्ज पद्धती: ऑफलाईन

अर्ज पाठविण्याचा पत्ता : जिल्हा आरोग्य अधिकारी, जिल्हा परिषद, सातारा

अर्ज शुल्क: ५०० रुपये

अर्ज करण्याची शेवटची तारीख: ३० नोव्हेंबर २०२३

या भरती संदर्भात अधिक माहिती जाणून घेण्यासाठी ‘जिल्हा परिषद, सातारा’ यांच्या अधिकृत वेबसाइटला भेट देण्यासाठी येथे क्लिक करा.

या भरती संदर्भातील प्रसिद्ध झालेली अधिकृत अधिसूचना वाचण्यासाठी येथे क्लिक करा.

अर्ज प्रक्रिया: या भरतीकरिता ऑफलाइन पद्धतीने अर्ज करायचा आहे. अर्ज शेवटच्या तारखेआधी म्हणजेच ३० नोव्हेंबर २०२३ आधी सादर करणे आवश्यक आहे. उशिरा आलेले आणि अपूर्ण अर्ज ग्राह्य धरले जाणार नाहीत. उमेदवारांनी अर्ज करण्यापूर्वी अधिसूचना काळजीपूर्वक वाचणे गरजेचे आहे.

(वाचा: SSC Recruitment 2023: इंजिनियर्ससाठी कर्मचारी निवड आयोगात सुवर्णसंधी; जाणून घ्या पदे, पात्रता आणि वेतन)

Source link