Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
IB ACICO Bharti 2023: गृह मंत्रालयाने इंटेलिजन्स ब्युरोमध्ये तब्बल ९९५ जागांसाठी बंपर भरती जाहीर केली आहे. ज्या उमेदवारांकडे आवश्यक पात्रता आहे आणि या रिक्त जागांसाठी अर्ज करण्याची इच्छा आहे असे उमेदवार अर्जाची लिंक सक्रिय झाल्यानंतर सदर भरतीसाठी अर्ज करू शकतात. गृह मंत्रालयाकडून जाहीर केल्याप्रमाणे IB मधील या पदांसाठी केवळ ऑनलाइन अर्ज करता येईल. या भरतीशी संबंधित महत्त्वाचे तपशील जाणून घेऊया.
या वेबसाइटवरून करा अर्ज :
या वेबसाइटवरून करा अर्ज :
IB च्या या भरतीद्वारे, असिस्टंट सेंट्रल इंटेलिजन्स ऑफिसर ग्रेड – II एक्झिक्युटिव्ह (ACICO) च्या एकूण ९९५ पदांची भरती केली जाणार आहे. अर्ज करण्यासाठी, उमेदवारांना MHA च्या अधिकृत वेबसाइटच्या माध्यमातून mha.gov.in ऑनलाइन अर्ज करता येणार आहेत. शिवाय, भरती संदर्भातील अधिक माहितीही तुम्हाला या वेबसाइटवर मिळेल.
या महत्त्वाच्या तारखा लक्षात ठेवा :
इंटेलिजन्स ब्युरोच्या भरतीची माहिती Employment Newspaper च्या माध्यमातून देण्यात आली आहे. त्यानुसार, IB च्या ACICO पदासाठी अर्ज २५ नोव्हेंबर २०२३ पासून सुरू होतील. शिवाय, १५ डिसेंबर २०२३ ही अर्ज करण्याची अंतिम तारीख असणार आहे. मात्र अद्याप या परीक्षेची तारखांविषयी कोणतीही माहिती जाहीर केली नाही.
आवश्यक पात्रता :
IB च्या या पदांसाठी अर्ज करण्यासाठी उमेदवाराने मान्यताप्राप्त विद्यापीठातून पदवी प्राप्त केलेली असणे आवश्यक आहे.
यासोबतच उमेदवाराचे वय १८ ते २७ वर्षांच्या दरम्यान असावे.
इतर पात्रता संबंधित तपशील अधिकृत वेबसाइटवर देण्यात आले आहेत.
(वाचा : Cochin Shipyard Limited मध्ये भरती, BE – BTech उमेदवारांना नोकरीची सुवर्णसंधी; मिळणार लाखो रुपयांत मासिक वेतन)
अशी असणार निवड प्रक्रिया :
लेखी परीक्षा आणि मुलाखतीद्वारे या IB पदांसाठी उमेदवारांची निवड केली जाईल. प्रथम लेखी परीक्षा घेतली जाईल. या परीक्षेनंतर मेरीटच्या आधारे निवड होणार्‍या उमेदवारांना मुलाखतीसाठी बोलावले जाईल.
मिळणार एवढा पगार :
- या पदांवर निवड होणार्‍या उमेदवारांना उत्तम पगार मिळणार आहे.
- मूळ वेतन ४४ हजार ९०० रुपये असून, उमेदवारांना कमाल १ लाख ४२ हजार ४०० रुपये प्रति महिना पगार मिळू शकतो.
- यासोबतच त्यांना डीए, एसएसए, एचआरए, टीए अशा सर्व सुविधा मिळतील.
अर्ज शुल्काविषयी :
- सदर भरती प्रक्रियेसाठी नोंदणी करण्यासाठी, उमेदवारांना ४५० रुपये शुल्क भरावे लागेल.
- तर, पुरुष उमेदवार, UR, EWS आणि OBC श्रेणींसाठी ५५० रुपये शुल्क असणार आहे.
IB ACIO भरती 2023 साठी असा करा अर्ज :
पायरी १ : mha.gov.in वर अधिकृत वेबसाइटवर जा
पायरी २ : मुख्यपृष्ठावर, IB ACIO 2023 भरतीसाठी उपलब्ध असलेली लिंक पहा.
पायरी ३ : मग तुम्ही नवीन वापरकर्ता असल्यास, तुम्हाला नोंदणी करणे आणि लॉगिन क्रेडेन्शियल्स तयार करणे आवश्यक आहे.
पायरी ४ : एकदा नोंदणी केल्यानंतर, तयार केलेले लॉगिन तपशील वापरून लॉग इन करा आणि सबमिट करा.
पायरी ५ : आता ऑनलाइन अर्ज भरण्यास पुढे जा आणि विचारल्याप्रमाणे सर्व आवश्यक कागदपत्रे अपलोड करा.
पायरी ६ : ऑनलाइन अर्ज फी भरा.
पायरी ७ : अर्जाची प्रत डाउनलोड करा आणि पुढील संदर्भासाठी त्याचे प्रिंटआउट घ्या.
(वाचा : SBI Clerk Notification 2023 : एसबीआयमध्ये लिपिक पदाच्या भरतीची अधिसूचना जाहीर, तब्बल ८७७३ जागांवर नोकरीची संधी)