‘अ‍ॅनिमल’ची कमाई ८०० कोटींच्या पार, तर ‘सॅम बहादूर’ची कासवाच्या गतीने १०० कोटींकडे आगेकुच

‘अर्जुन रेड्डी’ आणि ‘कबीर सिंह’ सारखे चित्रपट बनवणाऱ्या संदीप रेड्डी वंगा यांचा ‘अ‍ॅनिमल’ हा चित्रपट सुपर डुपर हिट ठरला आहे. या चित्रपटाने जगभरात ८०० कोटींचा आकडा पार केला आहे. रणबीर, अनिल कपूर, बॉबी देओल, रश्मिका मंदान्ना आणि तृप्ती डिमरी सारख्या कलाकारांनी अभिनय केलेल्या या चित्रपटाने बॉक्स ऑफिसवर तुफान कमाई केली आहे. हा चित्रपट केवळ २०२३ चा नाही तर बॉलिवूडच्या इतिहासातील सर्वाधिक कमाई करणार्‍या चित्रपटांमध्येही सहभागी झाला आहे.

‘अ‍ॅनिमल’ने तिसऱ्या रविवारी १५ कोटींची बंपर कमाई केली

sacnilk च्या रिपोर्टनुसार, ‘अ‍ॅनिमल’ ने तिसऱ्या रविवारी १५ कोटींची बंपर कमाई केली आहे. ६३.८ कोटींची बंपर ओपनिंग असलेल्या या चित्रपटाने आतापर्यंत देशभरात ५१२.९४ कोटींची कमाई केली. चित्रपटाने पहिल्या रविवारी ७१.४६ कोटी रुपये, दुसऱ्या रविवारी ३६ कोटी रुपये आणि तिसऱ्या रविवारी १५ कोटी रुपयांची कमाई केली.

चित्रपटाच्या कमाईचा आकडा ८४० कोटींच्या आसपास

अ‍ॅनिमलच्या जगभरातील कलेक्शनबद्दल बोलायचे झाले तर, चित्रपटाने १६ दिवसांत ८१५.०० कोटी रुपयांची कमाई केली, तर १७ व्या दिवशी चित्रपटाच्या कमाईचा आकडा जवळपास ८४० कोटींवर पोहोचला आहे. या चित्रपटाने आतापर्यंत परदेशात २२५ कोटींहून अधिक कमाई केली आहे.

बनायचं होत पत्रकार पण मुंबईत आल्यावर सारं चित्रच पालटलं, एका सिनेमाने बदललं नशीब त्यातच मिळाला आयुष्याचा जोडीदार
‘सॅम बहादूर’ चित्रपट हळूहळू १०० कोटींच्या जवळ जात आहे.

मेघना गुलजारच्या ‘सॅम बहादूर’ या चित्रपटाबद्दल बोलायचे झाले तर, हा चित्रपट हळूहळू १०० कोटींच्या जवळ पोहोचला आहे. रणबीरच्या ‘अ‍ॅनिमल’सोबत झालेल्या क्लॅशमुळे विकी कौशलच्या चित्रपटाला पहिल्या दिवसापासूनच मोठे नुकसान झाले होते. चित्रपटाची कथा फील्ड मार्शल सॅम माणेकशॉ यांची आहे, त्यांना १९९७१ च्या युद्धात पाकिस्तानला पराभूत करून बांगलादेश या नवीन देशाची निर्मिती करण्याचे संपूर्ण श्रेय मिळते. संघर्षाव्यतिरिक्त, चित्रपटाची कमकुवत स्क्रिप्ट हे बॉक्स ऑफिसवर प्रगती न होण्यामागे एक महत्त्वाचे कारण असल्याचे बोलले जाते.

ज्येष्ठ अभिनेत्री तनुजा मुखर्जी यांची प्रकृती बिघडली, मुंबईतील रुग्णालयात उपचार सुरु; आयसीयूत भरती
‘सॅम बहादूर’ जगभरातील १०० कोटींच्या क्लबमध्ये सामील झाला आहे

Sacnilk अहवालात असे म्हटले आहे की, चित्रपटाने १७ व्या दिवशी म्हणजेच तिसऱ्या रविवारी ५.५० कोटींची कमाई केली आहे. अशाप्रकारे आतापर्यंत एकूण ७६.८५ कोटी रुपयांची कमाई झाली आहे. मात्र, हा चित्रपट जगभरात १०० कोटींच्या क्लबमध्ये सामील झाला आहे. या चित्रपटाने आतापर्यंत जगभरात १०५ कोटींची कमाई केली आहे.