Tej Police Times
मुंबई– शाहरुख खानचा डंकी २१ डिसेंबर रोजी बॉक्स ऑफिसवर प्रदर्शित झाला. चित्रपटाने पहिल्या दिवशी चांगली कमाई केली. हा शाहरुख खानचा या वर्षातील तिसरा चित्रपट आहे. डंकी हा चित्रपट राजकुमार हिरानी यांच्या दिग्दर्शनाखाली बनला आहे. रिलीजच्या पहिल्या दिवशी बॉक्स ऑफिसवर २९.२ कोटी रुपयांची कमाई केली होती, परंतु दुसऱ्या दिवशी ती कमी झाली. ॲडव्हान्स बुकिंग दरम्यान, चित्रपटाने १५.४१ कोटी रुपयांचे कलेक्शन नोंदवले होते. या चित्रपटाने दुसऱ्या दिवशी बॉक्स ऑफिसवर किती कमाई केली ते पाहूया.
यावर्षी ‘पठाण’ आणि ‘जवान’ असे दोन बॅक टू बॅक ब्लॉकबस्टर दिल्यानंतर, शाहरुख खानचा तिसरा चित्रपट डंकी बॉक्स ऑफिसवर फ्लॉप ठरत आहे. राजकुमार हिरानी यांच्या दिग्दर्शनाखाली बनलेल्या या चित्रपटाला समीक्षक आणि प्रेक्षकांकडून संमिश्र प्रतिसाद मिळाला. या चित्रपटाने पहिल्या दिवशी बॉक्स ऑफिसवर चांगली सुरुवात केली असली तरी दुसऱ्या दिवशी त्याच्या कलेक्शनमध्ये मोठी घसरण झाली. सॅकनिक यांच्या मते, शुक्रवारी डंकी ची एकूण व्याप्ती फक्त २५ टक्के होती.
बॉक्स ऑफिसवर डंकीचा दुसरा दिवस
Sacnilk.com च्या मते, शुक्रवार, २२ डिसेंबर रोजी, डंकी देशभरात ३१.२२% हिंदी मध्ये पाहिला गेला, भारतात त्याचे एकूण नेट कलेक्शन ४९.२० कोटी रुपये झाले. रिलीजच्या दुसऱ्या दिवशी २० कोटींची कमाई केली आहे. हा सिनेमा सर्वाधिक मुंबईत ४६% पाहिला गेला. तर चेन्नई ४०% पाहिला गेला. कोलकाता ३८.७५% दिल्लीत ३३% पाहिला गेला. रात्रीच्या शोमध्ये सर्वाधिक लोकांची व्याप्ती नोंदवली गेली. पहिल्या दिवशी कोलकातामध्ये डंकी सर्वाधिक पाहिला गेल्याची नोंद झाली. कोलकातामध्ये एकूण ५५.२५% दिसून आले.
‘जवान’ आणि ‘पठाण’चे पहिल्या दिवसाचे कलेक्शन
दुसऱ्या दिवशीही चित्रपटाने चांगला व्यवसाय केला. पण त्याची तुलना शाहरुख खानच्या शेवटच्या दोन चित्रपटांशी केली तर तो खूपच मागे आहे. शाहरुखच्या २०२३ च्या शेवटच्या दोन रिलीज झालेल्या ‘पठाण’ आणि ‘जवान’ मधील ओपनिंग डे रेकॉर्ड डंकी मोडू शकला नाही. ‘पठाण’ने पहिल्या दिवशी ५७ कोटी रुपयांचे कलेक्शन केले, तर ‘जवान’ने भारतातील सर्व भाषांमध्ये ७४.५० कोटी रुपयांचे कलेक्शन केले होते.
मन्सूर अली खानला मद्रास हाय कोर्टाचा दणका, त्रिशा कृष्णनवर केस करणं पडलं महागात
डंकी विरुद्ध ‘सालार’ कलेक्शन
दुसरीकडे, या चित्रपटाची प्रभासच्या ‘सालार’शीही तुलना होत आहे. २२ डिसेंबर रोजी प्रदर्शित झालेल्या ‘सालार’ने सुरुवातीच्या अहवालानुसार पहिल्या दिवशी ९५ कोटी रुपयांची कमाई केली आहे आणि तो बॉक्स ऑफिसवर आतापर्यंतचा सर्वाधिक ओपनिंग करणारा भारतीय चित्रपट ठरला आहे. या चित्रपटाला प्रेक्षक आणि चित्रपट समीक्षकांकडून भरभरून दाद मिळत आहे. या सिनेमाची तुलना डंकीशी केली जात आहे.
‘डंकी’ची कथा आणि कलाकार
डंकी हा पहिला चित्रपट आहे ज्यात शाहरुख खान आणि राजकुमार हिरानी यांनी एकत्र काम केले आहे. ही कथा डंकी नावाच्या मित्रांच्या समूहाभोवती फिरते, जे परदेशात प्रवास सेटल होऊ इच्छित असतात. या चित्रपटात शाहरुख खानसोबतच तापसी पन्नू, विकी कौशल आणि बोमन इराणी आहेत.