Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
मुंबई– प्रभासच्या ‘बाहुबली’ या चित्रपटाला मिळालेल्या जबरदस्त यशानंतर, अभिनेत्याला आणखी एका हिटसाठी अभिनेत्याला ‘सालार’च्या रिलीजची वाट पाहावी लागली. ‘सालार’ सध्या बॉक्स ऑफिसवर पैशांचा पाऊस पाडत आहे. सुरुवातीच्या कमाईच्या तुलनेत आकडेवारी घसरली असली तरी चित्रपटगृहांमध्ये ‘सालार’चे वर्चस्व टिकून आहे. तेलगू, कन्नड, तमिळ, मल्याळम व्यतिरिक्त हा चित्रपट हिंदीतही प्रदर्शित झाला आहे.
प्रशांत नीलच्या दिग्दर्शनाखाली बनलेल्या ‘सालार’ चित्रपटात प्रभाससोबत श्रुती हासन, ईश्वरी राव, श्रिया रेड्डी, टिनू आनंद आणि जगपती बाबू यांसारखे कलाकार खूप दमदार भूमिका साकारत आहेत. या चित्रपटात प्रभासने आपल्या अ‍ॅक्शन स्टाईलने लोकांची मने जिंकल्याचे दिसून येतेय. दुसऱ्या शुक्रवारी या चित्रपटाने किती कमाई केली ते जाणून घेऊया.
सालार: सीझ फायर – पार्ट १ या चित्रपटाने पहिल्याच दिवशी एवढी बंपर कमाई केली की संपूर्ण सिनेइंडस्ट्रीत इतिहास रचला. sacnilk च्या रिपोर्टनुसार, या चित्रपटाने देशात फक्त पहिल्या दिवशी ९०.७ कोटींची कमाई केली होती. आता दुसऱ्या शुक्रवारी चित्रपटाच्या कमाईत तब्बल ८० कोटींनी घट झाली आहे कारण यावेळी सिनेमाने केवळ १० कोटी रुपयांची कमाई केली आहे.
‘सलार’ने ८ दिवसांत ३०० कोटींचा टप्पा पार केला
दुसऱ्या बाजुने विचार करता इयर एंड सुरु झाला आहे. त्यामुळे प्रेक्षक कुठेना कुठे बाहेर फिरायला गेले आहेत. असे असून देखील जर सिनेमा १० कोटींची कमाई करत आहे तर ती खूप चांगली गोष्ट आहे. या चित्रपटाने आतापर्यंत ८ दिवसांत एकूण ३१८ कोटींची कमाई केली आहे.
अरे मी अजून जिवंत आहे रे! चुकीच्या फोटोमुळे वैतागला फराह खानचा भाऊ साजिद खान
प्रभासच्या ‘सालार’ने जगभरात ५५० कोटींचा गल्ला पार केला आहे
या चित्रपटाच्या जगभरातील कलेक्शनबद्दल बोलायचे झाले तर या चित्रपटाने ५५० कोटींचा आकडा पार केला आहे. ७ व्या दिवशी ५४२.६३ कोटींची कमाई झाली होती. देशभरातील एकूण कलेक्शनबद्दल बोलायचे झाले तर, या चित्रपटाने सुमारे ३७० कोटी रुपये कमवले आहेत, तर परदेशात या चित्रपटाने १०५ कोटींहून अधिक कमाई केली आहे.