Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
आहे. या एकादशीला उपवास करुन सिद्धी योगाने भगवान विष्णूची पूजा केल्यास सर्व कार्ये तसेच मनोकामना सफल होणार आहेत. नवीन वर्षातील पहिली एकदशी ७ जानेवारी रोजी येणार असून तिला सफला एकदशी असे म्हणतात. सफला एकादशीचे व्रत केल्याने सर्व शुभ कार्यात आशीर्वाद मिळतो आणि जीवनाच्या प्रत्येक क्षेत्रात भरघोस यश प्राप्त होतं.
सफला एकादशी दिवशी पवित्र नदीत स्नान करण्याबरोबरच भगवान विष्णूच्या पूजेचे विशेष महत्त्व शास्त्रांमध्ये सांगण्यात आले आहे. या दिवशी भगवान विष्णूची पूजा केल्याने सर्व कार्य सफल होतात. तसेच या दिवशी भगवान विष्णूची पूजा केल्यास सर्व दुःख, दु:ख, दारिद्र्य नाहीसे होते अशी भक्तांची धारणा आहे. तसेच तुळशीमातेसमोर तुपाचा दिवा लावल्यास भाग्य वाढते. हा उपवास केल्याने अश्वमेध यज्ञ करण्यासारखे पुण्य प्राप्त होते, असे सांगितले जाते.
७ किंवा ८ जानेवारी कधी आहे सफला एकादशी?
पंचांगानुसार सफला एकादशी तिथीचा प्रारंभ ६ जानेवारी रोजी मध्यरात्री १२ वाजल्या नंतर ७ जानेवारी रोजी १२ वाजून ४१ मिनिटांनी होणार आहे. तसेच ७ जानेवारी रात्री १२ वाजल्यानंतर ८ जानेवारी रोजी १२ वाजून ४६ मिनिटांनी समाप्त होणार आहे. त्यामुळे नियमानुसार सफला एकादशीचे व्रत ७ जानेवारीला करावे लागणार आहे.
सफला एकादशीचे महत्त्व
सफला एकादशीच्या शुभ मुहूर्तावर घरात तुळशीचे रोप लावण्याला अनन्यसाधारण महत्त्व आहे. या दिवशी घराच्या उत्तर किंवा पूर्व किंवा ईशान्य दिशेला तुळशीचे रोप लावल्यास तुमची धनसमृद्धी वाढते. सफला एकादशीचे व्रत करता येत नसले तरी शास्त्रानुसार तुम्ही पूजा करू शकता असे केल्याने ही तुम्हाला भगवान विष्णूची कृपादृष्टी प्राप्त होते. सफला एकादशीच्या दिवशी भगवान विष्णूंना नैवेद्य म्हणून खिर अर्पण करावी आणि त्यावर आठवणीने तुळशीचे पान ठेवावे.
सफला एकादशी पूजेचा शुभ मुहूर्त
७ जानेवारी रोजी सकाळी ८ वाजून ३३ मिनिटांनी ते दुपारी १२ वाजून २७ मिनिटे या वेळेत सफला एकादशीच्या पूजेचा शुभ मुहूर्त आहे. एकादशीच्या दिवशी रात्री जागरण केल्याने विशेष लाभ होईल. सफला एकादशीचे व्रत ८ जानेवारी रोजी सकाळी ६ वाजून ३९ मिनिटांपासून रात्री ८ वाजून ५९ मिनिटांपर्यंत राहणार आहे.