Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
स्वस्त स्मार्टफोन बनवण्यासाठी प्रसिद्ध असलेल्या टेक ब्रँड आयटेलनं आज भारतात आपला नवीन मोबाइल फोन itel A70 लाँच केला आहे. ह्या लो बजेट स्मार्टफोनमध्ये 256GB Storage, 4GB RAM, 8MP Selfie Camera आणि 5000mAh Battery असे स्पेसिफिकेशन्स मिळतात. आयटेल ए७० ची किंमत आणि स्पेसिफिकेशन्सची माहिती जाणून घेऊया.
itel A70 ची किंमत
आयटेल ए७० स्मार्टफोन भारतात ४जीबी रॅमसह लाँच करण्यात आला आहे जो तीन स्टोरेज ऑप्शन्समध्ये विकला जाईल. ह्याच्या ४जीबी + ६४जीबी व्हेरिएंटची किंमत ६,२९९ रुपये आहे. तर ४जीबी + १२८जीबी व्हेरिएंटची किंमत ६,७९९ रुपये आणि ४जीबी + २५६जीबी व्हेरिएंटची किंमत ६,७९९ रुपये आहे. itel A70 ५ जानेवारीपासून ह्याची विक्री सुरु होईल. हा फोन अ‍ॅमेझॉन इंडियावर Field Green, Azure Blue, Brilliant Gold आणि Starlish Black अशा चार कलरमध्ये सेलसाठी उपलब्ध होईल.
itel A70 चे स्पेसिफिकेशन्स
आयटेल ए७० स्मार्टफोन ७२० × १६१२ पिक्सल रिजोल्यूशन असलेल्या ६.६ इंचाच्या एचडी+ डिस्प्लेला सपोर्ट करतो. ही स्क्रीन १२०हर्ट्झ टच सॅम्पलिंग रेट तसेच ५००निट्स ब्राइटनेसला सपोर्ट करते. फोनमध्ये साइड माउंटेड फिंगरप्रिंट सेन्सरसह फेस अनलॉक फीचर मिळतं. हा मोबाइल ३.५मिमी हेडफोन जॅक तसेच यूएसबी टाइप-सी चार्जिंग पोर्टला सपोर्ट करतो.
प्रोसेसिंगसाठी या फोनमध्ये यूनिसोक टी६०३ ऑक्टाकोर प्रोसेसर देण्यात आला आहे. तसेच ग्राफिक्ससाठी मोबाइल पावरवीआर जीइ८३२२ जीपीयूला सपोर्ट करतो. itel A70 स्मार्टफोन अँड्रॉइड १३ ‘गो’ एडिशनवर लाँच झाला आहे. ह्यात ८जीबी वचुर्अल रॅमच्या मदतीनं ४जीबी फिजिकल रॅम १२जीबी पर्यंत वाढवता येतो.
फोटोग्राफीसाठी फोनमध्ये ड्युअल रियर कॅमेरा सेटअप आहे. ह्याच्या बॅक पॅनलवर १३ मेगापिक्सलचा प्रायमरी सेन्सर आणि सेकंडरी एआय लेन्स देण्यात आली आहे. तसेच सेल्फी आणि व्हिडीओ कॉलिंगसाठी हा फोन ८ मेगापिक्सलच्या फ्रंट कॅमेऱ्याला सपोर्ट करतो. पावर बॅकअपसाठी itel A70 मध्ये ५,०००एमएएचची बॅटरी देण्यात आली आहे.