Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
LAVA Storm 5G फोन आज भारतात लाँच झाला आहे. हा एक मिड बजेट ५जी फोन आहे जो १५ हजार रुपयांपेक्षा कमी किंमतीत आला आहे. ह्या प्राइस रेंजमध्ये इंडियन मोबाइल ब्रँड लावाला थेट टक्कर अलीकडेच आलेल्या Realme C67 5G फोन कडून मिळत आहे. जर तुम्ही १५,००० रुपयांच्या बजेटमध्ये ५जी फोन खरेदी करण्याचा विचार करत असाल तर पुढे ह्या दोन्ही मोबाइल्सची तुलना पाहू शकता.
LAVA Storm 5G vs Realme C67 5G
डिस्प्ले
लावा स्टॉर्म ५जी फोनमध्ये १०८० x २४६० पिक्सल रिजोल्यूशन असलेला ६.८ इंचाचा फुलएचडी+ डिस्प्ले देण्यात आला आहे. ही २.५डी कर्व्ड स्क्रीन आहे जी पंच-होल डिजाइनसह आली आहे आणि १२०हर्ट्झ रिफ्रेटसह ३९६पीपीआयला सपोर्ट करते.
रियलमी सी६७ ५जी फोन १०८० x २४०० पिक्सल रिजोल्यूशन असलेल्या ६.७२ इंचाच्या फुलएचडी+ डिस्प्लेला सपोर्ट करतो. ह्यात देखील पंच-होल डिजाइन मिळते, जी मिनी कॅप्स्यूल २.० फीचरला सपोर्ट करते. ह्या फोनमध्ये १२०हर्ट्झ रिफ्रेश रेट तसेच १८० हर्ट्झ टच सॅम्पलिंग रेट आहे.
परफॉर्मन्स
LAVA Storm 5G अँड्रॉइड १३ आधारित क्लीन ओएस आहेवर चालतो. प्रोसेसिंगसाठी या स्मार्टफोनमध्ये मीडियाटेक डायमेन्सिटी ६०८० ऑक्टाकोर प्रोसेसर देण्यात आला आहे जो ६नॅनोमीटर फॅब्रिकेशनवर बनला आहे तसेच २.२गीगाहर्ट्झ क्लॉक स्पीडवर चालतो.
Realme C67 5G फोन देखील अँड्रॉइड १३ आधारीत रियलमी युआय ४.० वर चालतो. मोबाइलमध्ये ६नॅनोमीटर फॅब्रिकेशनवर बनलेला मीडियाटेक डायमेन्सिटी ६१००+ ऑक्टाकोर प्रोसेसर आहे जो २.२गीगाहर्ट्झ क्लॉक स्पीडवर चालतो. तसेच ग्राफिक्ससाठी एआरएम माली जी५७ जीपीयू देण्यात आला आहे.
स्टोरेज ऑप्शन
लावा स्टॉर्म ५जी फोनमध्ये ८जीबी रॅमसह १२८जीबी इंटरनल स्टोरेज मिळते. तर ८जीबी एक्सपांडेबल रॅम मुळे एकूण १६जीबी रॅमची ताकद मिळते. डिव्हाइस मधील मायक्रोएसडी कार्ड स्लॉट १टीबी पर्यंत अतिरिक्त स्टोरेज मिळवण्यास मदत करेल.
रियलमी सी६७ ५जी फोन ४ आणि ६जीबी अश्या दोन रॅम व्हेरिएंट्समध्ये आला आहे. तर ६जीबी डायनॉमिक रॅममूळे १२जीबी रॅम देखील वापरता येईल. दोन्ही व्हेरिएंट १२८जीबी स्टोरेज आहे जी २टीबी पर्यंत मायक्रोएसडी कार्डनं वाढवता येते.
फोटोग्राफी
लावा स्टॉर्म ५जी फोनमध्ये ड्युअल रियर कॅमेरा देण्यात आला आहे. फोनच्या बॅक पॅनलवर एलइडी फ्लॅशसह ५० मेगापिक्सलचा प्रायमरी सेन्सर देण्यात आला आहे, सोबत ८ मेगापिक्सलची अल्ट्रा वाइड अँगल लेन्स आहे. तसेच सेल्फी आणि व्हिडीओ कॉलिंगसाठी या फोनमध्ये स्क्रीन फ्लॅशसह १६ मेगापिक्सलचा फ्रंट कॅमेरा मिळतो.
रियलमी सी६७ ५जी फोन देखील ड्युअल रियर कॅमेरा आहे. ह्याच्या बॅक पॅनलवर एफ/१.८ अपर्चर असलेला ५० मेगापिक्सलचा प्रायमरी सेन्सर आहे जोडीला एफ/२.४ अपर्चर असलेला २ मेगापिक्सलची सेकंडरी लेन्स देण्यात आली आहे. सेल्फी आणि व्हिडीओ कॉलिंगसाठी हा रियलमी फोन एफ/२.०५ अपर्चर असलेल्या ८ मेगापिक्सलच्या फ्रंट कॅमेऱ्याला सपोर्ट करतो.
बॅटरी
LAVA Storm 5G फोन ५,०००एमएएच बॅटरीसह लाँच करण्यात आला आहे. ही मोठी बॅटरी वेगानं चार्ज करण्यासाठी ह्यात ३३वॉट फास्ट चार्जिंग टेक्नॉलॉजी देण्यात आली आहे.
Realme C67 5G फोन मध्ये ५,०००एमएएचची बॅटरी आहे. कंपनीनं हा फोन ३३वॉट सुपरवूक चार्ज टेक्नॉलॉजीसह बाजारात आणला आहे.
कनेक्टिव्हिटी
लावा स्टॉर्म ५जी फोनमध्ये ८ ५जी बँड्स देण्यात आले आहेत ज्यात एन१, एन३, एन५, एन८, एन२८, एन४१, एन७७ आणि एन७८ चा समावेश आहेत. हे सर्व ६मिमी व्हेव बँड्स आहेत.
रियलमी सी६७ ५जी फोनमध्ये ९ ५जी बँड्सचा सपोर्ट मिळतो. ज्यात एन१, एन३, एन५, एन८, एन२८A, एन४०, एन४१, एन७७ आणि एन७८ चा समावेश आहेत जे रिलायन्स जिओ आणि एयरटेल ५जी नेटवर्कला सहज सपोर्ट करतात.
किंमत
लावा मोबाइल ८जीबी रॅमसह १२८जीबी स्टोरेजसह १४,९९९ रुपयांमध्ये अ‍ॅमेझॉनवरून खरेदी करता येईल. हा मोबाइल फोन Gale Green आणि Thunder Black कलरमध्ये लाँच झाला आहे. लाँच ऑफर अंतर्गत हा फोन १,५०० रुपयांचा डिस्काउंटसह १३,४९९ रुपयांना मिळेल.
रियलमी सी६७ ५जी फोनच्या ४जीबी रॅम + १२८जीबी स्टोरेज व्हेरिएंटची किंमत १३,९९९ रुपये आहे तर ६जीबी रॅम + १२८जीबी स्टोरेज व्हेरिएंटची किंमत १४,९९९ रुपये आहे. हा रियलमी मोबाइल Sunny Oasis आणि Dark Purple कलरमध्ये विकत घेता येईल.