बॉलिवूडचा बादशाह एकच! शाहरुखच्या जवानचा जगभरात डंका, कमाई १००० कोटींच्यावर

जवान सिनेमानं १७ व्या दिवशी १२.२५ कोटींची कमाई केली. तर १८ दिवशी सिनेमानं तब्बल १४.९५ कोटींचा गल्ला जमवला आहे. त्यामुंळ सिनेमाची एकूण कमाई ही ६५०.७८ कोटी झाली आहे.

कमाईचा आकडा १००० कोटींच्यावर
जवान हा शाहरुखचा या वर्षी प्रदर्शित झालेला दुसरा सिनेमा आहे. यापूर्वी जानेवारी महिन्यात त्याचा पठाण हा सिनेमा प्रदर्शित झाला होता.पठाण सिनेमानंही जगभरात १००० कोटींच्यावर कमाई केली होती. तर आता जवान सिनेमानंही वर्ल्डवाइड १००० कोटींचा आकडा पार केलाय.

दरम्यान, शाहरुखच्या या बिग बजेट जवान या चित्रपटात कलाकारांची फौज आहे. यात नयनतारा, शाहरुख यांच्या मुख्य भूमिका आहेत. यामध्ये अभिनेत्री दीपिका पदुकोण देखील छोट्या भूमिकेत आहे. काही मिनिटांसाठी ती असली तरी तिची जादू सिनेमात पाहायला मिळतेय. या चित्रपटात विजय सेतुपती खलनायकाच्या भूमिकेत आहे. या सर्वांशिवाय सान्या मल्होत्रा, प्रियामणी, सुनील ग्रोव्हर, एजाज खान, रिद्धी डोगरा, गिरीजा ओक आणि संजय दत्त (कॅमिओ) सारखे अनेक कलाकार आहेत.
बॉक्स ऑफिसवर शाहरुख खानचा डंका लवकरच १००० कोटींच्या क्लबमध्ये एन्ट्री, जवानची कमाई किती?
डंकी येणार प्रेक्षकांच्या भेटीला
दरम्यान, येत्या डिसेंबर महिन्यात शाहरुख खानचा या वर्षातला तिसरा सिनेमा प्रेक्षकांच्या भेटीला येणार आहे. डंकी असं या सिनेमाचं नाव आहे.