Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
Samsung Galaxy Unpacked 2024 च्या तारखेची घोषणा करण्यात आली आहे. ह्या मेगा इव्हेंटची थीम AI आहे. ह्याच्या प्रमोशनल व्हिडीओमध्ये देखील ‘Galaxy AI is coming’ लिहिण्यात आलं आहे. त्यामुळे यावेळी Samsung Galaxy S24 Series च्या स्मार्टफोनमध्ये एआय फीचर्स असतील, अशी चर्चा आहे. परंतु कंपनीनं आतापर्यंत आपल्या आगामी सीरीजच्या फोन्सच्या लाँच बाबत कोणतीही माहिती दिली नाही.
Samsung Galaxy Unpacked 2024
सॅमसंगनं दिलेल्या माहितीनुसार Galaxy Unpacked 2024 इव्हेंट १७ जानेवारीला होईल. ह्या इव्हेंटची स्ट्रीमिंग कंपनीच्या अधिकृत वेबसाइट आणि युट्युब चॅनेलवर होईल. हा रात्री ११:३० वाजता लाइव्ह पाहता येईल.
प्री-बुकिंग झाली सुरु
सॅमसंग इंडिया आपल्या ऑफिशियल वेबसाइटवर प्री-रिजर्व लाइव्ह केला आहे. याची किंमत १,९९९ रुपये आहे. ह्याची खरेदी करणाऱ्या ग्राहकांना ५००० रुपयांपर्यंत बेनेफिट्स आणि नवीन गॅलेक्सी डिवाइसची अर्ली डिलिव्हरी मिळेल.
Samsung Galaxy S24 सीरीजची माहिती
आतापर्यंत समोर आलेल्या रिपोर्ट्सनुसार, Samsung Galaxy S24 सीरीज अंतगर्त Samsung Galaxy S24, Samsung Galaxy S24 Plus आणि Samsung Galaxy S24 Ultra बाजारात येतील. ह्या तिन्ही स्मार्टफोनमध्ये पावरसाठी क्वॉलकॉमचा Snapdragon 8 Gen 3 किंवा Exynos 2400 चिपसेट दिली जाईल. ह्या तिन्ही मध्ये वेगवेगळ्या साइजची स्क्रीन मिळतील.
गॅलेक्सी एस २४ आणि एस २४ प्लस मध्ये ५०एमपीचा कॅमेरा दिला जाईल, ज्याच्या मदतीनं युजर हाय-क्वॉलिटी इमेज आणि ८के व्हिडीओ रेकॉर्ड करता येतील. तसेच, गॅलेक्सी एस २४ अल्ट्रा मध्ये २००एमपीचा कॅमेरा मिळेल. सेल्फी आणि व्हिडीओ कॉलिंगसाठी तिन्ही डिव्हाइसमध्ये ३२एमपीचा कॅमेरा मिळण्याची शक्यता आहे.
तिन्ही अपकमिंग स्मार्टफोन्समध्ये फास्ट चार्जिंगचा सपोर्ट असलेली दमदार बॅटरी दिली जाऊ शकते. ह्यात कनेक्टिव्हिटीसाठी ड्युअल सिम स्लॉट, ई-सिम, वाय-फाय, जीपीएस, ब्लूटूथ आणि यूएसबी टाईप-सी पोर्ट सारखे स्पेक्स मिळू शकतात.