Tej Police Times
Samsung च्या सर्वात स्वस्त 5G Phone चा नवा व्हेरिएंट आला बाजारात; स्मूद डिस्प्लेसह करता येणार खरेदी
सॅमसंगनं आपल्या स्वस्त Samsung Galaxy A14 5G स्मार्टफोनचा आणखी एक स्टोरेज व्हेरिएंट लाँच केला आहे. फोनचे तीन स्टोरेज ऑप्शन लाँचच्या वेळी सादर करण्यात आले होते. परंतु आता कंपनीनं Galaxy A14 5G चा 4जीबी RAM व 128जीबी स्टोरेजचा मॉडेल लाँच केला आहे. हा सर्वप्रथम ऑफलाइन आणि ऑनलाइन विक्रीसाठी उपलब्ध होईल. चला, जाणून घेऊ नवीन मॉडेलची किंमत आणि स्पेसिफिकेशनची माहिती.
Samsung Galaxy A14 5G नवीन स्टोरेजची किंमत
कंपनीनं घोषणा केली आहे की Samsung Galaxy A14 5G मोबाइलचा ४जीबी रॅम व १२८जीबी स्टोरेज व्हेरिएंट ५ जानेवारी २०२४ पासून उपलब्ध होईल. हा डिव्हाइस १५,४९९ रुपयांमध्ये विकला जाईल, ज्यावर लाँच ऑफर आणि बँक ऑफर देखील दिल्या जाऊ शकतात. हा फोन ४जीबी/६४जीबी, ६जीबी/१२८जीबी आणि ८जीबी/१२८जीबी ऑप्शन उपलब्ध आहेत. Galaxy A14 5G ब्लॅक, डार्क रेड आणि लाइट ग्रीन अश्या तीन ऑप्शनमध्ये येतो.
Samsung Galaxy A14 5G चे स्पेसिफिकेशन्स
Samsung Galaxy A14 5G मध्ये ६.६ इंचाचा मोठा एफएचडी प्लस डिस्प्ले आहे. जो २४०८ x १०८० पिक्सल रिजॉल्यूशन आणि ९० हर्ट्झ रिफ्रेश रेट असलेल्या स्मूद डिस्प्ले आहे. कंपनीनं डिव्हाइसमध्ये एक्सीनॉस १३३० चिपसेट आहे. सोबत ८जीबी पर्यंत रॅम आणि १२८जीबी पर्यंतची इंटरनल स्टोरेज आहे. Galaxy A14 5G फोनमध्ये सुरक्षेसाठी साइड माउंटेड फिंगरप्रिंट सेन्सर, स्टोरेज वाढवण्यासाठी मायक्रो एसडी कार्ड स्लॉट देखील आहे.
ह्यात ट्रिपल रियर कॅमेरा सेटअप आहे. ज्यात ५० मेगापिक्सलचा प्रायमरी, २ मेगापिक्सलचा मॅक्रो आणि २ मेगापिक्सलचा डेप्थ सेन्सर आहे. तसेच, सेल्फी आणि व्हिडीओ कॉलिंगसाठी १३ मेगापिक्सलचा फ्रंट कॅमेरा आहे. कनेक्टिव्हिटीसाठी ड्युअल सिम ५जी, वाय-फाय, ब्लूटूथ ५.२, यूएसबी टाइप सी पोर्ट, ३.५मिमी हेडफोन जॅक असे अनेक फीचर्स मिळतात. Samsung Galaxy A14 5G मध्ये ५०००एमएएचची बॅटरी आणि १५वॉट चार्जिंग सपोर्ट मिळतो.