Tej Police Times
राज्यासह देशभरात जोरदार थंडी पडली आहे. थंडी पासून वाचण्यासाठी काही लोक शेकोट्या तर लोक हीटर किंवा ब्लोअरचा वापर करतात. अनेकांच्या घरी हीटर किंवा ब्लोअर दिसून येतो. परंतु तुम्हाला माहित आहे का हीटरमुळे डोळ्यांचे मोठे नुकसान होऊ शकते. ह्यामुळे डोळ्यात कोरडेपणा किंवा जळजळ होऊ शकते. जास्त वेळ हीटर किंवा ब्लोअर वापरल्यामुळे देखील ही समस्या उद्भवू शकते. जर जास्त वेळ हीटर सुरु राहिला तर डोळ्यांतील ओलावा कमी होऊ लागतो आणि त्यामुळे तुमच्या दृष्टीवर त्याचा परिणाम दिसून येऊ शकतो.
थंडीत थंडीपासून वाचण्यासाठी हीटर आणि ब्लोअर वापरणं सामान्य आहे. परंतु ह्या उपकरणांच्या वापराच्या वेळी थोडे सतर्क राहावे, खासकरून डोळ्यांच्या बाबतीत. हीटर आणि ब्लोअरमधून येणारी गरम हवा डोळ्यांना त्रास देऊ शकते.
थंडीत थंडीपासून वाचण्यासाठी हीटर आणि ब्लोअर वापरणं सामान्य आहे. परंतु ह्या उपकरणांच्या वापराच्या वेळी थोडे सतर्क राहावे, खासकरून डोळ्यांच्या बाबतीत. हीटर आणि ब्लोअरमधून येणारी गरम हवा डोळ्यांना त्रास देऊ शकते.
एक्सपर्ट्सनुसार हीटर आणि ब्लोअर वापरताना पुढील गोष्टींची काळजी घ्यावी:
थोडावेळच करा वापर: हीटर आणि ब्लोअर मधून निघणारी गरम हवा डोळ्यांतील आद्रता शोषून घेते. त्यामुळे डोळे सुखतात आणि लाल होऊ शकतात. त्यामुळे ह्या उपकरणांचा वापर मर्यादित कालावधीसाठी करावा. सतत हे डिव्हाइस ऑन ठेवल्यामुळे तुमच्या डोळ्यांवर मोठा परिणाम होऊ शकतो.
बंद खोलीत करू नका वापर: बंद खोलीत हीटर आणि ब्लोअरचा वापर केल्यामुळे डोळ्यांचे नुकसान होण्याची शक्यता वाढते. त्यामुळे ही उपकरणे अश्या खोलीत वापरावी जिथे हवा खेळती राहते. ह्या उपकरणामुळे हवेतील आद्रता कमी होऊन स्किनवर देखील परिणाम होऊ शकतो.
हीटर योग्य अंतरावर ठेवा: हीटर डोळ्यांपासून कमीत कमी १ मीटर वर ठेवा, त्यामुळे थेट डोळ्यांवर गरम हवा येणार नाही. तसेच कितीही उबदार वाटलं तरी हीटर किंवा ब्लोअरच्या जवळ जाऊ नका.
डोळ्यांना त्रास जाणवू लागल्यास डॉक्टरचा सल्ला घ्या: डोळ्यांत खाज, जळजळ, लाल डोळे किंवा डोळे दुखले तर मेडिकल स्टोरवरून कोणतंही औषध घेऊन डोळ्यांत टाकून नका, डॉक्टरांचा सल्ला घ्या. डोळे हे आपल्या शरीरातील सर्वात नाजूक अवयवांपैकी एक आहेत, त्यांच्याशी खेळ खेळू नका.