Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
Indian Railway Recruitment 2024 : बहुतेक तरुणांना रेल्वेमध्ये काम करण्याची इच्छा असते, ज्यासाठी लाखो तरुण स्पर्धा परीक्षांची तयारी करतात. आज आम्ही तुम्हाला रेल्वेच्या त्या रिक्त पदांबद्दल सांगत आहोत, ज्यासाठी तुम्ही परीक्षा न देताही नोकरी मिळवू शकता. मिळालेल्या माहितीनुसार, रेल्वेमध्ये दहावी पास उमेदवारांसाठी बंपर भरती सुरू आहे. इच्छुक उमेदवार wcr.Indianrailways.gov.in या अधिकृत वेबसाइटला भेट देऊन ऑनलाइन अर्ज करू शकतात.
या तारखेपर्यंत करता येणार अर्ज :
या तारखेपर्यंत करता येणार अर्ज :
रेल्वेत या थेट भरतीसाठी १५ डिसेंबरपासून अर्ज भरण्याची प्रक्रिया सुरू आहे. अर्ज करण्यास इच्छुक उमेदवार १४ जानेवारीपर्यंत अर्ज करू शकतात.
या तपशीलवार माहितीसाठी, कृपया भरती अधिसूचना तपासा.
अनेक पदांवर होणार भरती :
रेल्वे भरती सेलने पश्चिम मध्य रेल्वे अंतर्गत ३०१५ शिकाऊ पदांवर भरती जाहीर केली आहे. पश्चिम मध्य रेल्वेच्या विविध विभागांमध्ये ही भरती होणार आहे. या अंतर्गत, JBP विभागात एकूण ११६४ पदे, कोटा विभागात ८५३ पदे, BPL विभागात ६०३ पदे, CRWS BPL मध्ये १७० पदे, WRS कोटामध्ये १९६ पदे आणि मुख्यालय / JBP मध्ये २९ पदे भरण्यात येणार आहेत.
वयोमर्यादा :
रेल्वेमध्ये या भरतीसाठी अर्ज करणाऱ्या उमेदवारांचे वय १४ डिसेंबर २०२३ रोजी किमान १५ वर्षे असावे, तर कमाल वयोमर्यादा २४ वर्षे असावी. तथापि, कमाल वयोमर्यादेत SC, ST उमेदवारांना ५ वर्षांनी आणि OBC उमेदवारांना ३ वर्षांनी सूट देण्यात आली आहे.
अर्जासाठी आवश्यक पात्रता :
शिकाऊ पदांसाठी अर्ज करणारे उमेदवार ५० % गुणांसह १० वी उत्तीर्ण असावेत. यासोबतच, उमेदवारांनी संबंधित ट्रेडमध्ये आयटीआय पदवी प्राप्त केलेली असावी.
अर्ज शुल्काविषयी :
या पदांसाठी अर्ज करण्यासाठी, सामान्य श्रेणीतील उमेदवारांना १३६ रुपये अर्ज शुल्क भरावे लागेल. तर, राखीव प्रवर्ग (SC, ST, PWBD) आणि महिला उमेदवारांना फक्त ३६ रुपये भरावे लागतील.
अशी होईल निवड :
रेल्वेमध्ये शिकाऊ भरतीसाठी उमेदवारांची निवड गुणवत्तेच्या आधारावर केली जाईल. ही गुणवत्ता दहावी आणि आयआयटीमध्ये मिळालेल्या गुणांच्या आधारे तयार केली जाईल.