मोमिनपुऱ्यातील हॉटेलमध्ये रंगायच्या गप्पा; दिवंगत शायर मुनव्वर राणा यांचे नागपूरशी घनिष्ट नाते

नागपुरात आहेत. मुनव्वर राणा यांच्या लिखाणावर आधारित ‘राणा आर्ट : एक मुटाला’ हे समीक्षणात्मक उर्दू पुस्तक नागपुरातील लेखिका डॉ. सरोशा नसरीन काझी यांनी लिहिले होते. या पुस्तकाचे प्रकाशनही प्रत्यक्ष राणा यांच्या हस्तेच करण्यात आले होते. ‘मुनव्वर राणा ज्या ज्या वेळी नागपुरात येत त्या त्यावेळी ते फोन करत. माझ्या घरी त्यांची एक छोटेखानी मैफलही झाली होती. एक अत्यंत चांगली व्यक्ती म्हणून त्यांची आठवण कायम राहील. शायरीपेक्षाही त्यांचे गद्य लिखाण जास्त चांगले होते’, असे डॉ. सरोशा नसरीन काझी यांनी सांगितले. नागपुरातील प्रख्यात चित्रकार प्रा. बाबर शरीफ यांच्या वडिलांशी, कवी शरीफ अहमद शरीफ, यांच्याशी त्यांचे उत्तम संबंध होते. त्यांच्या ‘दस्तखत’ या पुस्तकाच्या प्रकाशन समारंभालाही ते उपस्थित होते. मोमिनपुऱ्यात कधी हॉटेलमध्ये तरी कधी तेथील सरायमध्ये बसून सहकारी कवी आणि शायर मित्रांशी त्यांच्या मनसोक्त गप्पा रंगत असता. नागपुरात त्यांचे वारंवार येणे-जाणे होते, अशी आठवण प्रा. बाबर शरीफ यांनी सांगितली. ‘काळ्या पोशाखातील मुनव्वर राणा यांचे सादरीकरण हा नेहमी आनंदच असे. त्यांची शायरी ही हिंदुस्थानी भाषेत होती आणि त्यांनी उर्दू आणि हिंदीचा संगम घडवून आणला होता. त्यांच्या चाहत्यांमध्ये सर्वधर्मीय रसिकांचा समावेश होता’, असे राष्ट्रसंत तुकडोजी महाराज नागपूर विद्यापीठाच्या उर्दू विभागातील प्राध्यापक डॉ. समीर कबीर यांनी सांगितले.